Switluli

Tlula uya ka pajina la wumbirhi

Timboni ta Yehovha

Changana (Mozambique)

Xana Upimisa Yini hi Wumundzuku?

Xana Upimisa Yini hi Wumundzuku?

Xana misava . . .

  • yitatshamisa xileswi?

  • yitatlulisa mpimu?

  • yitayampsa?

 LESWI BIBELE LISWIVULAKA

“Xikwembu . . . xitahlangula mihloti ya vona, lifu litahela, hambi mahlomulu, kurila kumbe kuvaviseka switahela. Swilo swa khale se swihelile.”—Nhlavutelo 21:3, 4, Vuhundzuluxeri Bya Misava Leyintshwa.

KUTIVA LESWI WINGAKUPFUNA NJHANI

Utava ni ntirhu wa kutsakisa.—Esaya 65:21-23.

Akungahatava ni mavabyi kumbe kuhlupheka, nikatsongo.—Esaya 25:8; 33:24.

Utava ni wutomi litsakisaka, lelingaheliki swin’we ni ndjangu ni vanghanu va wena.—Tipisalema 37:11, 29.

 XANA HINGASWIKHOLWA LESWI BIBELE LISWIVULAKA?

Ina, vona swivangelo swimbirhi:

  • Xikwembu xi ni makotelu ya kuhetisisa leswi xiswitshembisaka. Ka Bibele, hi Yehovha ntsena lweyi avitiwaka “Nkulukumba” hikuva a ni ntamu lowungaheliki. (Nhlavutelo 15:3) Hikwalaho, ataswikota kuyendla leswaku misava yiyampsa hilaha atshembiseke hakona. Bibele lili “ka Xikwembu swilo hinkwaswu swakoteka.”—Matewu 19:26.

  • Xikwembu xinavela kuhetisisa xitshembisu lexo. Hi xikombisu, Yehovha avilela kupfuxa vanhu lavafeke.—Yobo 14:14, 15.

    Bibele litlhela lihikomba swaku N’wana wa Xikwembu, Yesu, ahanyise vanhu lava avavabya. Hayini ayendle leswo? Hikuva aani lirhandzu lihumaka mbilwini. (Marka 1:40, 41) Kunavela ka yena kupfuna vanhu akuli xikombisu xa wumunhu la B’ava wakwe, Yehovha.—Yohane 14:9.

    Hingatiyiseka leswaku Yehovha na Yesu valava kuhipfuna leswaku hitiphina hi wumundzuku la kutsakisa!—Tipisalema 72:12-14; 145:16; 2 Petro 3:9.

 PIMISA HI LESWI

Xikwembu xitayihundzulisa kuyini misava leswaku xiyiyampsisa?

Bibele lihlamula xivutisu lexi ka MATEWU 6:9, 10 ni ka DANIYELE 2:44.