Switluli

Tlula uya ka pajina la wumbirhi

Timboni ta Yehovha

Changana (Mozambique)

Xana Kuhlupheka Kutahela?

Xana Kuhlupheka Kutahela?

Awutaku . . .

  • ina?

  • nada?

  • kumbexana?

 LESWI BIBELE LISWIVULAKA

“Xikwembu . . . xitahlangula mihloti ya vona, lifu litahela, hambi mahlomulu, kurila kumbe kuvaviseka switahela.”—Nhlavutelo 21:3, 4, Vuhundzuluxeri Bya Misava Leyintshwa.

KUTIVA LESWI SWINGAKUPFUNA NJHANI

Utatiyiseka leswaku Xikwembu axihivangele nhlomulu.—Yakobo 1:13.

Utatlemiwa mbilu hi kutiva leswaku Xikwembu xakhatala hi wena.—Zakariya 2:8.

Utavona leswaku kuhlupheka hinkwaku kutahela.—Tipisalema 37:9-11.

 XANA HINGASWIKHOLWA LESWI BIBELE LISWIVULAKA?

Ina. Vona swivangelo swimbirhi:

  • Xikwembu xinyenya kuhlupheka ni wuhomboloki. Pimisa hi ndlela leyi Yehovha Xikwembu atitwiseke xiswona loko vanhu va yena vahluphiwa ankameni wa Bibele. Bibele livula leswaku avavisekile embilwini yakwe hikolaho ka leswi “avadlisiwa mbitsi vatlhela vahluphiwa.”—Vaavanyisi 2:18, Vuhundzuluxeri Bya Misava Leyintshwa.

    Xikwembu xavanyenya lavayendlelaka van’wani wubihi. Hi xikombisu, Bibele likomba leswaku “mavoko lamahalataka ngati yokala nandzu” manyenyentsa ka Xikwembu.—Swivuriso 6:16, 17.

  • Xikwembu xakhatala hi mun’wani ni mun’wani wa hina. Ahi munhu mun’wani ni mun’wani ntsena lweyi ativaka makhombo yakwe ni swivavu swakwe, kambe Yehovha na yena wamativa!—2 Tikronika 6:29, 30.

    Hi kutirhisa Mfumu wakwe, Yehovha atahelisa akuxaniseka ka munhu mun’wani ni mun’wani. (Matewu 6:9, 10) Hambiswilitanu, swoswi Yehovha achavelela hi lirhandzu hinkwavu lavamulavetelaka  hi mbilu hinkwayu.—Mintirho 17:27; 2 Vakorinto 1:3, 4.

 PIMISA HI LESWI

Hayini Xikwembu xipfumelela kuhlupheka?

Bibele lihlamula xivutisu lexi ka VARHOMA 5:12 ni 2 PETRO 3:9.