Switluli

Tlula uya ka pajina la wumbirhi

Tlula longoloko

Timboni ta Yehovha

Changana (Mozambique)

Mahanyelo ni Ntirhu wa Hina wa Wukreste  |  Dezembro 2017

 KUHANYA TANIHI VAKRESTE

Yampsisa Ndlela Leyi Uchumayelaka ha Yona—Bulisana ni Vanhu Hinkwavu ka Território la Hina

Yampsisa Ndlela Leyi Uchumayelaka ha Yona—Bulisana ni Vanhu Hinkwavu ka Território la Hina

HA YINI SWILI SWA LISIMA? Zakariya aprofetile leswaku vanhu va tindzimi ta matiko hinkwawu vatayingisa mahungu lamene. (Zk 8:23) Kambe vatadjondzisiwa hi mani? (Rhm 10:13-15) Hi ni nkateko ni wutihlamuleli la kuchumayela mahungu lamene ka vanhu hinkwavu ka território la hina.—od-TS 84 par. 10-11.

UNGASWIYENDLISA KUYINI?

  • Lunghisela. Xana ukuma vanhu lavavulavulaka lirimi lin’wana? Ungahatirhisa aplicativu ya JW Language leswaku udjondza masungulelo ya mabulu ya kuwolova. Hi tlhelo lin’wana, ungahatirhisa tablete kumbe telefone la wena leswaku ukomba munhu ndlela yokuma rungula leliyengetelekeke hi lirimi la yena ka jw.org

  • Vana ni wuxiyaxiya. Loko uchumayela hi yindlo ni yindlo, ungayitshiki yihundza mikhandlu ya kuchumayela vanhu lavahundzaka hi ndlela kumbe lavanyimeke amimovheni. Loko uli ka ntirho wa kuchumayela ka tindhawu letitaleke hi vanhu, namarhela xikongomelo xa wena xa kuchumayela

  • Chivirika. Ringeta kufikelela lava ungavakumangiki kaya akusunguleni. Zama kubulisana ni munhu ka yindlo yin’wana ni yin’wana, valaveteli hi nkama wun’wana kumbe hi siku lin’wana la vhiki. Vinyi va minti yin’wana swingahaboha kubulisana na vona hi telefone kuvachumayela aswitaratwini kumbe kuvatsalela papela

  • Endla mayendzo yovuyela. Kahlula uvuyeta leswaku uhlakulela kutsakela loku vakukombiseke. Loko munhu wokarhi avulavula lirimi lin’wana, zama kukuma munhu lweyi angamupfunaka hi lirimi la yena. Ufanela uhambeta umufonela kutafika laha ayendzeliwaka hi muchumayeli lweyi atirhisaka lirimi la yena.—od-TS pág. 94 par. 39-40

HLALELA VHIDIYU LELINGE KUCHUMAYELA ‘ANDHAWINI YA LE KULE SWINENE YA MISAVA’ UGAMA UHLAMULA SWIVUTISO LESWILANDZAKA:

  • Xana vamakwerhu vatilunghisele njhani leswaku vabulisana ni vanhu ka território la le kule? (1Ko 9:22, 23)

  • Hi swihi swihingakanyo leswi vaswihluleke?

  • Hi yihi minkateko vayikumeke?

  • Hi yihi minzamu leyi wena ungayiyendlaka leswaku ubulisana ni vanhu ka território la wena?