Langsung mlebu

Seksi-Seksi Yéhuwah

Pilih basa Jawa

Album Foto Warwick 7 (September 2016 — Februari 2017)

Album Foto Warwick 7 (September 2016 — Februari 2017)

Iki album foto rampungé pembangunan kantor pusaté Seksi-Seksi Yéhuwah sing anyar, lan foto-fotoné para rélawan Bètel sing mulai nggunakké kantor iki saka September 2016 nganti Februari 2017.

Gambaran kompleks Warwick:

  1. Gedung Pemeliharaan Kendaraan

  2. Gedung Parkirané Tamu

  3. Gedung Pemeliharaan lan Parkirané Keluarga Bètel

  4. Gedung Tempat Tinggal B

  5. Gedung Tempat Tinggal D

  6. Gedung Tempat Tinggal C

  7. Gedung Tempat Tinggal A

  8. Gedung Kantor lan Perlengkapan

 

8 September 2016​—Kompleks Warwick

Kabèh bangunan ing kompleks Warwick saiki wis digunakké. Ing awal sasi September, ana 500 wong sing manggon ing Warwick. Kuwi klebu rélawan bagéan konstruksi lan rélawan Bètel sing dipindhah saka kantor ing Brooklyn.

20 September 2016​—Gedung Kantor lan Perlengkapan

Sing kerja lagi mriksa keramik ing dalan mlebu museum ”Umat kanggo Asmané Yéhuwah”. Keramik iki digawé kusus bèn ruangané kaya jaman mbiyèn, dipadhakké karo isiné museum kuwi.

28 September 2016​—Gedung Kantor lan Perlengkapan

Stephen Lett, anggota Pengurus Pusat Seksi-Seksi Yéhuwah, mimpin acara ibadah ésuk kapisan sing disiarké saka Warwick. Sedulur Lett macakké surat sing isiné matournuwun karo luwih saka 27.000 rélawan sing wis mbantu mbangun kantor pusat, lan matournuwun karo kabèh sing wis ndhukung proyèk pembangunan iki.

3 Oktober 2016​—Gedung Kantor lan Perlengkapan

Ing salah sijiné museum tanpa pemandhu, tukang kayu lagi masang huruf-huruf ing papan tandha dalan mlebu. Museum ”Umat kanggo Asmané Yéhuwah” nduduhké sejarahé Seksi-Seksi Yéhuwah saka taun 1870 nganti saiki.

5 Oktober 2016​—Gedung Kantor lan Perlengkapan

Panitya Penulisan nganakké rapat karo para wakilé lan para anggotané Departemen Penulisan. Monitor-monitor gedhé kuwi digunakké kanggo nduduhké gambar sing arep metu ing wacan sing anyar. Monitor kuwi uga kanggo komunikasi karo departemen-departemen saka gedung liya. Méja sing digunakké kuwi sumbangan, sing dipindhah saka Brooklyn menyang Warwick.

20 Oktober 2016​—Gedung Kantor lan Perlengkapan

Wakilé Panitya Pengawas lan sedulur-sedulur lagi ngrembug carané mbantu wong-wong sing dadi korban Topan Haima (Lawin), Filipina. Topan kuwi ngrusak dhaérah ing Filipina sedina sakdurungé. Merga isa omongan liwat video, departemen-departemen ing kantor pusat isa cepet ngatasi kondisi darurat lan komunikasi karo kantor cabang-kantor cabang sakdonya.

28 Oktober 2016​—Gedung Pemeliharaan lan Parkirané Keluarga Bètel

Ana kolam ing antarané Gedung Pemeliharaan lan dalan mlebu. Kolam-kolam ing Warwick nggunakké cara alami kanggo nampung lan nyaring partikel lan polutan saka banyu udan. Cara iki isa ngirit 50% biaya kanggo nggawé sistem pengairan biasa. Banyu sing wis disaring disalurké ing saluran banyu. Tanduran isa subur lan kéwan-kéwan isa séhat.

4 November 2016​—Gedung Kantor lan Perlengkapan

Tim pengangkutan ngedhunké barang-barang ing gudang. Ana kira-kira 80 wong sing mbantu keluarga Bètel pindhah saka Brooklyn menyang Warwick.

14 Desember 2016​—Gedung Kantor lan Perlengkapan

Tukang roti lagi ngetokké adonan saka mesin adonan ing ndhuwur méja. Merga mesin iki isa ngudhak adonan luwih saka 45 kilogram, gawéan dadi luwih gampang lan luwih aman. Ing dapur roti Warwick ana lemari kanggo nyimpen adonan. Ing lemari iki ana program kanggo ngatour suwéné prosès fermentasi, carané yaiku ngatour suhu lan kelembaban ruangan. Program iki ngurangi jumlah tenaga sing dibutuhké kanggo nggawé atusan roti saben mingguné.

14 Desember 2016​—Gedung Pemeliharaan lan Parkirané Keluarga Bètel

Sing kerja ing bagéan pemeliharaan ngangkuti sampah saka Gedung Pemeliharaan. Béda karo gedung-gedung ing Brooklyn, akèh gedung ing Warwick diwènèhi dalan penghubung. Mula, mung sithik jumlah sing kerja lan jumlah kendaraan kanggo ngangkuti sampah lan barang daur ulang.

14 Desember 2016​—Gedung Kantor lan Perlengkapan

Sing kerja lagi nyemprotké banyu ing klambi sing dipasang ing setrika otomatis supaya klambi kuwi isa rapi. Saben minggu, Departemen Penatu ing Warwick rata-rata nyuci luwih saka 5.000 kilogram pakaian lan sprèi. Sing kerja ing bagéan iki uga masang kode barcode ing kabèh pakaian supaya ora klèru. Kode kuwi di-scan supaya isa diprosès lan dikirimké menyang departemèn utawa menyang wong sing nduwèni pakaian kuwi.

20 Desember 2016​—Gedung Pemeliharaan lan Parkirané Keluarga Bètel

Sing kerja lagi mriksa lan ndandani alat berat sing digunakké ing pembangkit listrik. Tujuan perawatan iki supaya alat iki isa awèt lan aman wektu digunakké.

10 Januari 2017​—Gedung Kantor lan Perlengkapan

Sing kerja lagi mriksa program komputer sing bakal nduduhké video pambuka ing museum ”Bukti Iman”.

11 Januari 2017​—Gedung Kantor lan Perlengkapan

Tukang kayu lagi ndandani sepédha sing digawé taun 1903, sing arep dipamèrké ing museum ”Umat kanggo Asmané Yéhuwah”. Sepédha iki sumbangan, lan didandani tenanan. Sepédha iki nduduhké upaya lan pangurbanané Siswa-Siswa Alkitab (saiki disebut Seksi-Seksi Yéhuwah). Mbiyèn, Siswa-siswa Alkitab nggunakké sepédha kanggo martakké kabar apik saka Alkitab.

12 Januari 2017​—Gedung Kantor lan Perlengkapan

Sing kerja lagi masang kaca sing digunakké kanggo nyimpen pajangan ”Drama-Foto Penciptaan”. Kuwi kumpulan gambar lan slide sing diduduhké ing taun 1914. Taun kuwi, ana kira-kira sangang yuta wong sing nonton ”Drama-Foto Penciptaan”.

12 Januari 2017​—Gedung Kantor lan Perlengkapan

Ahli arsip lan seniman lagi nyiapké Alkitab Latin Zurich édisi taun 1544 sing bakal dipamèrké ing museum ”Alkitab lan Asmané Gusti Allah”. Tandha panah werna abang ing Alkitab paling kiwa nduduhké jenengé Gusti Allah, yaiku Yéhuwah. Ahli arsip uga ngupaya njaga Alkitab sing gampang rusak. Contoné, saben lembar disampul plastik, suhu lan kelembabané diatour, lan pencahayaan fiber optik uga diatour supaya ora ngrusak kertas sing gampang rusak.

16 Januari 2017​—Gedung Kantor lan Perlengkapan

Saka menara iki, sing tour bareng pemandhu isa ndelok pemandangan kompleks Warwick saka gedung sing dhuwuré 23 mèter. Pendaftaran kanggo mèlu tour ing museum tanpa pemandhu lan fasilitas Warwick wis dimulai 3 April 2017. Sapa waé sing péngin mèlu tour kudu ndaftar online ing situs jw.org ing bagéan BAB SEKSI YÉHUWAH > KANTOR & TOUR.

19 Januari 2017​—Gedung Kantor lan Perlengkapan

Ahli arsip lagi masang Alkitab King James Version taun 1611 sing langka banget. Alat kanggo nyangga Alkitab kuwi dirancang lan digawé para pekerja ing Warwick.

19 Januari 2017​—Gedung Kantor lan Perlengkapan

Sing kerja lagi masang topi kanggo pamèran. Topi kuwi duwèké Joseph F. Rutherford, sing mimpin Seksi-Seksi Yéhuwah 100 taun kepungkur. Iki bagéan saka museum ”Umat kanggo Asmané Yéhuwah”, sing nduduhké upayané Seksi-Seksi Yéhuwah jaman mbiyèn kanggo martakké kabar apik bab Kratoné Gusti Allah.

20 Januari 2017​—Gedung Kantor lan Perlengkapan

Bagéan rekaman lagi ngrekam swara sing isiné katrangan kanggo tour tanpa pemandhu ing museum ”Alkitab lan Asmané Gusti Allah”. Seminggu sakwisé ruangan rekaman lan kabèh peralatan dipindhah saka Brooklyn menyang Warwick, studio iki isa langsung digunakké. Studio iki (sing disambungké karo studio rekaman utama ing Pusat Pendidikan Menara Pengawal ing Patterson) uga digunakké kanggo ngrekam Terjemahan Dunia Baru, Warta Penting lan Sadarlah!, artikel-artikel ing situs jw.org, lan rekaman audio publikasi liyané.

27 Januari 2017​—Gedung Kantor lan Perlengkapan

Asistèn seniman lagi ngecèt pinggiran pigura foto telu dimensi. Museum ”Umat kanggo Asmané Yéhuwah” majang foto-foto sejarahé Siswa-Siswa Alkitab ing akhir abad 19.

15 Februari 2017​—Gedung Kantor lan Perlengkapan

Seniman lagi ngecèt patung Kalèb, tokoh video sèri animasi Dadi Kancané Yéhuwah. Patung iki bakal dipamèrké ing galeri sing nduduhké upayané Seksi-Seksi Yéhuwah kanggo mbantu bocah-bocah.

15 Februari 2017​—Gedung Kantor lan Perlengkapan

Tukang kayu lagi motong gambar lan vinil kanggo museum ”Umat kanggo Asmané Yéhuwah”. Ana luwih saka 250 wong sing kerja dadi tukang nggawé lemari, nggawé program komputer, ahli listrik, masang tègel, bagéan video, lan penulis, sing kerjasama ngrancang telu museum kuwi nganti museum kuwi dadi.