Langsung mlebu

Sapa sing Ngedegaké Pakumpulané Seksi-Seksi Yéhuwah?

Sapa sing Ngedegaké Pakumpulané Seksi-Seksi Yéhuwah?

Sejarah pakumpulané Seksi-Seksi Yéhuwah jaman saiki diwiwiti kira-kira taun 1870. Wektu kuwi, ana sakelompok siswa Alkitab sing omahé cedhak Pittsburgh, Pennsylvania, ing Amerika Serikat, mulai sinau Alkitab sing tliti lan urut. Wong-wong kuwi mbandhingaké ajarané gréja karo ajarané Alkitab. Terus, asil saka sinauné dicétak ing buku, koran, lan majalah sing saiki disebut Warta Penting Bab Kratoné Yéhuwah.

Ing antarané siswa-siswa Alkitab sing tulus kuwi, ana wong lanang sing jenengé Charles Taze Russell. Senajan Russell sing mimpin pendhidhikan Alkitab wektu kuwi lan sing sepisanan ngrancang lan nyiapaké wacan Warta Penting, dhèwèké ora ngedegaké agama anyar. Tujuané Russell lan Siswa-Siswa Alkitab, sebutané wektu kuwi, yaiku ngumumaké ajarané Yésus lan niru contoné wong-wong Kristen abad kapisan. Merga Yésus sing ngedegaké agama Kristen, Seksi-Seksi Yéhuwah percaya yèn Yésus sing ngedegaké pakumpulané Seksi-Seksi Yéhuwah.—Kolosé 1:18-20.