Langsung mlebu

Seksi-Seksi Yéhuwah

Pilih basa Jawa

Kepiyé Gawéané Seksi-Seksi Yéhuwah Diragadi?

Kepiyé Gawéané Seksi-Seksi Yéhuwah Diragadi?

Gawéan nginjilé Seksi-Seksi Yéhuwah diragadi sumbangan saka lilaning ati. Ora ana kolèkte utawa sumbangan wajib ing pakumpulané Seksi-Seksi Yéhuwah, lan anggotané ora dikon ngekèki prasapuluhan. (Matéus 10:7, 8) Ing panggonan ibadah ana kothak sumbangan, dadi sing péngin nyumbang bisa nyemplungaké sumbangané ing kono. Sing nyumbang ora diumumaké jenengé.

Salah siji alesan kena apa ragadé Seksi-Seksi Yéhuwah ora akèh yaiku merga ora ana pendhéta sing dibayar. Seksi sing nginjil ing omah-omah uga ora dibayar, lan bangunan ibadahé Seksi-Seksi Yéhuwah mung biyasa waé.

Kabèh sumbangan sing dikirim ing kantor cabang Seksi-Seksi Yéhuwah digunakaké kanggo mbantu sing kena musibah bencana alam, ngragadi para utusan injil utawa Seksi Yéhuwah sing diutus ing dhaérah liya, mbangun panggonan ibadah ing negara sing durung maju, nyétak lan ngirim Alkitab lan wacan Kristen.

Saben wong mutusaké dhéwé arep nyumbang kanggo ngragadi kebutuhan jemaaté dhéwé, gawéan sakdonya, utawa loro-loroné. Saben jemaat nggawé laporan keuangan bèn kabèh anggotané bisa ngerti laporan kuwi.