Langsung mlebu

Lunga menyang daftar isi

Seksi-Seksi Yéhuwah

Pilih basa Jawa

Tetragramaton, asma suciné Gusti Allah, yaiku Yéhuwah, ing huruf Ibrani, macané saka tengen

Huruf sing Paling Cilik, Dadi Jaminan sing Kuwat

Huruf sing Paling Cilik, Dadi Jaminan sing Kuwat

Apa kita isa yakin tenan karo kabèh janjiné Gusti Allah? Yésus yakin nèk janjiné Gusti Allah mesthi bakal kelakon, lan piwulangé isa mbangun imané para muridé. Gatèkna Ceramahé Yésus ing Gunung, sing dicathet ing Matéus 5:18, ’Awit satemené pituturku marang kowé: Nganti sirnané langit lan bumi iki, angger-angger ora bakal sirna saiyot utawa sacorèk, sadurungé iku kabèh kalakon.’

Huruf sing paling cilik saka abjad Ibrani yaiku י (yod). Kuwi dadi huruf sing kapisan saka Tetragramaton, asma suciné Gusti Allah, yaiku Yéhuwah. * Para penulis lan wong Farisi nganggep nèk kabèh tembung lan huruf sing ana ing Hukumé Gusti Allah kuwi penting. Malah, saben ’corèkan’ waé uga dianggep penting banget.

Yésus kandha nèk ’nganti sirnané langit lan bumi iki, angger-angger ora bakal sirna sadurungé iku kabèh kalakon’. Padhahal, Alkitab kandha nèk langit lan bumi iki ora bakal sirna. (Jabur 78:69) Dadi, cetha nèk kabèh Hukumé Allah kuwi mesthi bakal kelakon nganti rincian sing paling cilik.

Apa Yéhuwah ya nggatèkké rincian-rincian sing cilik? Ya. Gatèkna bab iki: Wong-wong Israèl jaman mbiyèn ora éntuk nyeklèk balungé cempé Paskah. (Pangentasan 12:46) Kétoké kuwi mung rincian sing cilik. Apa wong Israèl ngerti alesané Yéhuwah nggawé aturan kaya ngono? Mbokmenawa ora. Ning, Allah Yéhuwah ngerti nèk rincian kuwi ana hubungané karo ramalan bab Mèsias, yaiku ora ana siji-sijia balungé Mèsias sing bakal ditugel wektu dipatèni ing cagak.​—Jabur 34:21; Yokanan 19:31-33, 36

Apa piwulangé kanggo kita? Kita isa bener-bener yakin nèk kabèh janjiné Allah Yéhuwah bakal kelakon, nganti rincian sing paling cilik.

^ par. 3 Huruf sing paling cilik saka abjad Yunani yaiku iota, lan kuwi mirib karo huruf Ibrani י (yod). Hukum Musa awalé ditulis lan dilestarèkké ing basa Ibrani. Mula, wektu Yésus kandha, ”sacorèk,” sing dimaksud mesthiné ya huruf Ibrani י (yod) kuwi.