Langsung mlebu

Lunga menyang daftar isi

Seksi-Seksi Yéhuwah

Pilih basa Jawa

 BAB 25

Apa Sebabé Balé Ibadah Dibangun lan Kepriyé Carané?

Apa Sebabé Balé Ibadah Dibangun lan Kepriyé Carané?

Bolivia

Nigeria, sakdurungé lan sakwisé dibangun

Tahiti

Balé Ibadah iku panggonan kanggo ngrembug Alkitab, utamané bab Kratoné Gusti Allah. Iku uga bab sing diwartakaké Yésus.Lukas 8:1.

Panggonan kanggo ibadah sing sejati. Seksi-Seksi Yéhuwah ngatur panginjilan saka panggonan iku. (Matéus 24:14) Gedhéné lan rancangané saben Balé Ibadah béda-béda, nanging kabèh bentuké biasa waé. Akèh Balé Ibadah dienggo luwih saka sajemaat. Nganti saiki, wis ana éwon Balé Ibadah sing dibangun (kira-kira limang Balé saben dina) kanggo nyukupi cacahé jemaat sing tambah akèh. Kepriyé iku bisa ditindakaké?Matéus 19:26.

Dibangun saka dhuwit sumbangan. Sumbangané diklumpukaké ing kantor cabang supaya bisa digunakaké déning jemaat sing arep mbangun utawa ndandani Balé Ibadah.

Dibangun déning sedulur-sedulur sing ngréwangi tanpa bayaran. Ing akèh negara, ana Kelompok sing Mbangun Balé Ibadah. Sing klebu ing kelompok iki yaiku abdi sing kusus mbangun Balé Ibadah lan wong-wong sing gelem ngréwangi. Kelompok iki lunga menyang panggonan ngendi waé kanggo mbangun Balé Ibadah, klebu dhaérah plosok. Ing negara-negara liya, ana Seksi Yéhuwah sing ditetepaké kanggo ngawasi Balé Ibadah sing lagi dibangun lan didandani ing sawijiné wilayah. Senajan ana kelompok sing kusus mbangun Balé Ibadah, sing ngréwangi akèh-akèhé ya anggota jemaat sing lagi mbangun Balé Ibadah. Iku bisa kelakon merga berkahé Yéhuwah lan upaya sing tenanan saka umaté Yéhuwah.Jabur 127:1; Kolosé 3:23.

  • Balé Ibadah iku panggonan kanggo apa?

  • Kepriyé Balé Ibadah bisa dibangun ing akèh panggonan sadonya?