Langsung mlebu

Lunga menyang daftar isi

Seksi-Seksi Yéhuwah

Pilih basa Jawa

 BAB 1

Kabar Apik bab Apa?

Kabar Apik bab Apa?

1. Kabar apik bab apa saka Gusti Allah?

Gusti Allah kepéngin kabèh wong kepénak uripé. Gusti Allah nggawé donya saisiné merga nresnani manungsa. Ora suwé manèh, Gusti Allah bakal maringi urip sing luwih kepénak kanggo manungsa lan nyingkiraké kabèh sing nyebabaké manungsa urip susah.Wacanen Yérémia 29:11.

Ora ana pamréntahan sing bisa nyingkiraké tumindak jahat, penyakit, utawa pati. Nanging, ana kabar apik. Ora suwé manèh, pamréntahané manungsa bakal disingkiraké, terus diganti karo pamréntahané Gusti Allah. Dadi, umaté bisa urip tentrem lan séhat.Wacanen Yésaya 25:8; 33:24; Dhanièl 2:44.

2. Kena apa kabar apik iku dibutuhaké saiki?

Kasusahan bakal ora ana yèn Gusti Allah wis nyingkiraké wong jahat saka donya. (Zéfanya 2:3) Kapan kuwi kelakon? Ora suwé manèh. Alkitab ngramalaké yèn donya iki bakal rusak lan mbebayani kanggo uripé manungsa, lan ramalan kuwi saiki wis kedadéan. Kuwi tandha yèn Gusti Allah bakal tumindak.Wacanen 2 Timotéus 3:1-5.

3. Apa sing kudu ditindakaké?

Awaké dhéwé kudu sinau bab Gusti Allah saka Alkitab. Buku kuwi kaya surat saka bapak sing nresnani anaké. Alkitab ngandhani carané urip sing bener lan carané éntuk urip salawasé ing bumi. Bisa waé ana wong sing ora seneng yèn panjenengan sinau Alkitab. Panjenengan bisa urip salawasé kaya sing dijanjèkaké Gusti Allah yèn tetep sinau Alkitab.Wacanen Wulang Bebasan 29:25; Wahyu 14:6, 7.