Langsung mlebu

Lunga menyang daftar isi

Seksi-Seksi Yéhuwah

Pilih basa Jawa

 BAB 1

Rahasia sing Nyenengké Ati

Rahasia sing Nyenengké Ati

Kowé wis tau krungu rahasia durung?— * Nèng Alkitab ana rahasia sing istiméwa. Jenengé ”rahasia suci”. Kuwi rahasia, merga mbiyèn ora ana wong sing ngerti. Rahasia kuwi suci merga saka Gusti Allah. Para malaékat péngin banget ngerti rahasia kuwi. Apa kowé ya péngin ngerti?—

Ngapa kok malaékat-malaékat péngin banget ngerti rahasia suci?

Jaman mbiyèn, Gusti Allah nggawé wong lanang karo wong wédok. Jenengé Adam karo Kawa. Adam karo Kawa dikèki nggon sing apik banget, jenengé Taman Èden. Nèk mbiyèn Adam karo Kawa manut karo Gusti Allah, dhèwèké karo anak putuné mesthi isa nggawé bumi iki dadi Firdaus sing apik banget. Lan kabèh isa urip nèng kono. Ning, apa Adam karo Kawa gelem manut?—

Adam karo Kawa ora manut karo Gusti Allah. Mulané awaké dhéwé saiki ora urip nèng Firdaus. Ning, Gusti Allah ngendika nèk sokmbèn arep nggawé bumi iki dadi Taman Firdaus menèh, lan kabèh wong isa urip seneng sakterusé. Piyé carané Gusti Allah nggawé bumi dadi Firdaus? Nah, wis suwé banget ora ana sing ngerti jawabané merga kuwi isih rahasia.

Pas teka nèng bumi, Yésus nyritakké rahasia kuwi karo wong akèh. Jaréné Yésus, mung Kratoné Gusti Allah sing isa nggawé bumi iki dadi Taman Firdaus. Mulané Yésus ngongkon awaké dhéwé ndonga bèn Kratoné Gusti Allah cepet teka.

Kowé seneng ta isa ngerti rahasia iki?— Ning, bèn isa urip nèng Firdaus, kowé kudu manut karo Gusti Allah. Nèng Alkitab, akèh crita wong-wong sing manut karo Gusti Allah. Kowé mesthi gelem ngerti critané, ta?— Sapa ta wong-wong kuwi lan piyé carané awaké dhéwé isa niru? Ayo dirungokké critané.

WACANEN ALKITABMU

^ par. 3 Ing saben bab bakal ana pitakonan sing ana tandha iki (—). Kuwi nduduhké nèk wong tuwa kudu mandeg sadhéla bèn anaké isa njawab.