Langsung mlebu

Lunga menyang daftar isi

 SING UTAMA DIREMBUG | PANJENENGAN ISA NGERTI ALKITAB

Alesané Perlu Ngerti Alkitab

Alesané Perlu Ngerti Alkitab

”Alkitab kuwi kitab suci sing terkenal. Ning, buku kuwi dudu saka kéné, dadi ora cocog kanggo wong-wong Cina.”—LIN, CINA.

”Kitab suciné wong Hindu waé aku ora ngerti, apa manèh Alkitab.”—AMIT, INDIA.

”Aku ngajèni Alkitab, merga kuwi buku kuna lan krungu-krungu paling akèh dicétak. Ning, aku dhéwé ora nduwé bukuné.”—YUMIKO, JEPANG.

Akèh wong ing donya iki ngajèni Alkitab, senajan mbokmenawa wong-wong kuwi mung ngerti sithik isiné. Kuwi kedadéan ing negara-negara Asia, lan uga ing negara-negara sing wong-wongé nduwé Alkitab.

Mbokmenawa panjenengan tau takon, ”Apa sebabé aku perlu ngerti isiné Alkitab? Isiné buku iki isa mbantu panjenengan ngerti carané:

  • Urip seneng lan ayem tentrem

  • Ngadhepi masalah keluarga

  • Ngadhepi rasa kuwatir

  • Nduwé hubungan sing apik karo wong liya

  • Ngatur dhuwit

Contoné, Yoshiko saka Jepang, péngin ngerti isiné Alkitab lan ngupaya maca dhéwé. Apa hasilé? Dhèwèké kandha, ”Alkitab mbantu aku nduwé tujuan urip lan pengarep-arep mbésuké. Uripku dadi ana gunané.” Amit, sing mau wis disebutké, sing wis sinau Alkitab dhéwé kandha, ”Aku gumun banget. Isiné Alkitab isa ditrapké kabèh wong.”

Alkitab wis mbantu wong akèh. Apa panjenengan péngin mriksa isiné, lan éntuk paédah saka Alkitab?