Langsung mlebu

Lunga menyang daftar isi

Jenengé Gusti Allah (sing dibunderi) ana ing tulisan Alkitab kuna

Apa Kandhané Alkitab?

Apa Kandhané Alkitab?

Apa Gusti Allah nduwé jeneng?

ANA SING KANDHA nèk Gusti Allah ora nduwé jeneng. Ana sing nyebut Allah utawa Gusti, lan ana sing kandha nèk jenengé Gusti Allah akèh. Piyé nurut panjenengan?

KANDHANÉ ALKITAB

”Paduka ingkang asma Yéhuwah, Ingkang Mahaluhur tuwin misésani ing salumahing bumi.”​—Jabur 83:19.

APA MANÈH SING ISA DISINAONI SAKA ALKITAB?

  • Senajan sebutané akèh, jenengé mung siji.​—Pangentasan 3:​15.

  • Gusti Allah ora angèl dikenal, ning malah péngin dicedhaki.​—Lelakoné Para Rasul 17:27.

  • Cara sing sepisanan bèn isa kekancan karo Gusti Allah, yaiku ngerti jenengé Gusti Allah.​—Yakobus 4:8.

Apa salah nyebut jenengé Gusti Allah?

APA JAWABAN PANJENENGAN?

  • Ya

  • Ora

  • Ora ngerti

KANDHANÉ ALKITAB

”Sira aja nyebut nyawiyah (kanggo dolanan) asmaning Yéhuwah Gusti Allahira.” (Pangentasan 20:7) Nyebutké jenengé Gusti Allah kuwi ora salah. Sing salah, nèk nganggo cara sing ora ngajèni.​—Yérémia 29:9.

APA MANÈH SING ISA DISINAONI SAKA ALKITAB?

  • Yésus ngerti lan nggunakké jenengé Gusti Allah.—Yokanan 17:25, 26.

  • Gusti Allah ngongkon awaké dhéwé nyebut jenengé.​—Jabur 105:1.

  • Mungsuh-mungsuhé Gusti Allah péngin wong-wong ora nggunakké jenengé Gusti Allah.​—Yérémia 23:27.