Langsung mlebu

Lunga menyang daftar isi

Nggolèki Katrangan sing Bener

Nggolèki Katrangan sing Bener

Ngerti katrangan sing bener kuwi isa nylametké urip. Misalé, pikirna apa pengaruhé jawaban saka pitakonan iki kanggo uripé awaké dhéwé: Piyé penyakit menular isa nyebar?

Wis éwonan taun, ora ana wong sing ngerti tenan apa jawabané. Padahal, jutaan wong mati merga penyakit menular. Ning akhiré, para ilmuwan ngerti katrangan sing bener. Para ilmuwan nemokké nèk penyakit menular biasané disebabké karo makhluk hidup sing cilik banget, contoné baktéri utawa virus. Merga ngerti soal kuwi, wong-wong isa dibantu kanggo nyegah lan nambani akèh penyakit menular. Hasilé, milyaran wong isa luwih séhat lan dawa umuré.

Terus, ya ana pitakonan-pitakonan penting liyané. Misalé, . . .

  • Gusti Allah kuwi sapa?

  • Yésus Kristus kuwi sapa?

  • Kratoné Allah kuwi apa?

  • Apa sing bakal kelakon ing masa depan?

Jutaan wong wis nemokké jawabané lan ngrasakké manfaaté. Njenengan ya isa ngrasakké manfaaté nèk ngerti jawabané.

 APA KATRANGAN SING BENER ISA DITEMOKKÉ?

Njenengan mungkin mikir, ’Apa mungkin aku isa éntuk katrangan sing bener ing kabèh bab?’ Apa manèh, saiki saya angèl nggolèki katrangan sing bener. Apa sebabé?

Wektu nggolèk katrangan sing bener, akèh wong ora percaya karo para pejabat, pengusaha, lan wartawan. Wong-wong angèl mbédakké apa kuwi fakta, pendapaté wong, informasi sing setengah bener, utawa malah katrangan sing ora bener. Mula, akèh wong nduwé pendapat sing béda-béda soal apa sing bener lan apa manfaaté kanggo wong-wong kuwi.

Senajan ora gampang, njenengan tetep isa nemokké jawaban saka pitakonan-pitakonan sing penting soal urip. Piyé carané? Carané padha kaya wektu njenengan nggolèk katrangan ing urip saben dina.

CARANÉ NGGOLÈKI KATRANGAN SING BENER

Njenengan mbutuhké katrangan sing bener saben dina. Gatèkna pengalamané Jessica. Dhèwèké ngomong, ”Anakku alèrgi kacang. Nèk mangan protéin kacang sithik waé, dhèwèké isa mati.” Jessica kudu mastèkké panganan sing dituku kuwi aman kanggo anaké. ”Pertama, aku maca katrangan bahan-bahan sing ana ing bungkusé. Terus, aku nggolèki katrangan sing luwih akèh lan mastèkké karo pabriké nèk panganan kuwi ora ana kacangé. Aku ya nggolèk katrangan soal pabrik kuwi saka sumber liyané sing isa dipercaya.”

Mungkin upayané njenengan kanggo nggolèk katrangan sing bener ora kaya Jessica. Ning, njenengan isa niru Jessica sing nggunakké cara-cara iki:

  • Nggolèki fakta-faktané.

  • Nggolèki katrangan sing luwih akèh.

  • Mastèkké sumber katrangané isa dipercaya.

Piyé cara-cara kuwi isa mbantu njenengan nemokké jawaban saka pitakonan-pitakonan penting soal urip?

 SUMBER KATRANGAN SING BENER

Wektu nggolèk jawaban saka pitakonan-pitakonan penting soal urip, Jessica ya nggunakké cara sing padha. Dhèwèké ngomong, ”Merga maca lan sinau tenanan, aku dadi isa nemokké katrangan sing bener saka Alkitab.” Kaya Jessica, jutaan wong wis nemokké jawaban kanggo pitakonan-pitakonan iki ing Alkitab:

  • Apa tujuané urip iki?

  • Piyé keadaané wong mati?

  • Kenapa ana akèh kesusahan?

  • Apa sing bakal ditindakké Gusti Allah kanggo nyingkirké kesusahan?

  • Piyé carané bèn keluargané awaké dhéwé isa bahagia?

Nèk maca Alkitab lan nggolèki katrangan sing luwih akèh ing www.jw.org, njenengan isa nemokké katrangan sing bener kanggo pitakonan-pitakonan kuwi lan pitakonan liyané.