Langsung mlebu

Lunga menyang daftar isi

 URIPÉ WONG KRISTEN

Aja Nyebarké Berita sing Ora Bener

Aja Nyebarké Berita sing Ora Bener

Jaman saiki berita cepet banget nyebar liwat koran, radio, TV, lan Internèt. Sengaja utawa ora, umaté ”Allah ingkang setya tuhu” ora bakal nyebarké berita sing ora bener. (Ms 31:6; Pa 23:1) Berita sing ora bener isa bahaya kanggo wong liya. Bèn isa ngerti berita sing disebarké kuwi bener apa ora, pikirna:

  • ’Apa sumberé isa dipercaya?’ Sing nyebarké berita durung mesthi ngerti nyatané. Berita sing disebarké isa waé béda karo asliné, mula kudu ngati-ati nèk ora ngerti langsung saka sumberé. Para pinituwa, abdiné jemaat, lan perintis kuwi wong-wong sing dipercaya ing jemaat, mula kudu ngati-ati wektu nyebarké berita

  • ’Apa berita kuwi isa ngrusak jenengé wong liya?’ Aja nyebarké berita sing isa ngrusak jenengé wong utawa kelompok.​—WB 18:8; Flp 4:8

  • ’Apa beritané masuk akal?’ Aja langsung percaya karo berita utawa pengalaman sing digedhèk-gedhèkké

DELOKEN VIDÉO AJA NYEBARKÉ GOSIP, TERUS JAWABEN PITAKONAN-PITAKONAN IKI:

  • Nurut Wulang Bebasan 12:18, apa bahayané omongané awaké dhéwé?

  • Piyé carané ngetrapké Filipi 2:4 wektu ngomongké wong liya?

  • Awaké dhéwé kudu piyé nèk dijak ngèlèk-èlèk utawa ngrasani wong liya?

  • Apa sing kudu dipikirké sakdurungé ngomongké wong liya?