Langsung mlebu

Lunga menyang daftar isi

 DITRAPKÉ WEKTU NGINJIL

Tambah Trampil Nginjil—Nawakké Majalah Nganggo Carané Dhéwé

Tambah Trampil Nginjil—Nawakké Majalah Nganggo Carané Dhéwé
NDELENG

PENTING MERGA: Senajan wis ana cara nawakké wacan ing jadwal kagiyatan, kuwi kabèh mung conto. Gunakna tembungmu dhéwé. Isa waé nggunakké cara utawa bab liya, sing luwih cocog karo wong-wong ing dhaérahmu. Para sedulur isa nawakké majalah nganggo carané dhéwé, bar maca majalahé, mikirké conto cara nawakké, lan ndelok vidhéoné.

CARANÉ:

Coba dipikir, ’Apa aku arep nganggo conto cara nawakké majalah ing jadwal kagiyatan iki?’

YA

  • Pikiren carané ngejak omong. Bar kulanuwun, omonga alesané mara mrono. (Contoné, ”Aku mréné merga . . . ”)

  • Pikiren carané nyambungké pitakonan, ayat, lan nawakké wacan. (Contoné, nèk arep ngrembug ayat, mbokmenawa isa ngomong, ”Jawabané nèng kéné.”)

ORA

  • Pilihen bab sing disenengi ing majalah, lan sing luwih cocog karo dhaérahmu

  • Gawéa pitakonan sing isa nggawé wong mikir lan gelem nanggepi, ning aja nganti nggawé isin wong kuwi. (Contoné, pitakonan sing ana ing kaca 2 majalah kuwi.)

  • Pilihen ayat sing arep diwaca. (Nèk nawakké Sadarlah! ora kudu maca ayat, merga majalah iki kanggo wong sing ngerti sithik bab Alkitab lan sing ora nduwé agama.)

  • Terangna sedhéla paédahé maca bab sing dipilih

JAWABAN APA WAÉ

  • Gawéa pitakonan sing bakal dijawab wektu mara manèh

  • Gawéa cathetan bab sing arep diomongké wektu mara manèh, bèn ora lali