Langsung mlebu

Lunga menyang daftar isi

 URIPÉ WONG KRISTEN

Tambah Trampil Nginjil​—⁠Nggawé Penyesuaian

Tambah Trampil Nginjil​—⁠Nggawé Penyesuaian

PENTING MERGA: Wong Kristen terurap lan domba-domba liyané ngundang kabèh wong kanggo ”njupuk banyu kauripan tanpa mbayar”. (Why 22:17) ”Banyu kauripan” kuwi nggambarké kabèh sing disedhiakké Yéhuwah bèn manungsa sing manut isa bébas saka dosa lan kematian. Awaké dhéwé kudu mènèhké ”kabar apik sing langgeng” iki nganggo cara sing cocog kanggo wong-wong sing béda kebiasaan lan kepercayaané.​—Why 14:6.

CARANÉ:

  • Miliha topik lan ayat sing cocog kanggo wong-wong ing dhaérahé njenengan. Njenengan isa milih conto carané ngomong utawa topik sing wis tau njenengan gunakké. Topik lan ayat apa sing cocog kanggo wong-wong? Apa ana berita paling anyar sing mungkin dipikirké lan diomongké wong-wong? Topik apa sing cocog kanggo wong lanang utawa wong wédok?

  • Wektu omong-omongan, isa ngucapké salam utawa nindakké kebiasaan sing biasané ditindakké wong-wong ing dhaérahé njenengan.​2Kor 6:3, 4

  • Kudu ngerti publikasi lan vidéo apa waé sing ana ing Alat-Alat kanggo Mulang bèn isa nggunakké kuwi wektu ketemu wong sing nduduhké minat

  • Download publikasi lan vidéo ing basané wong-wong sing mungkin awaké dhéwé temoni

  • Topiké dicocogké karo kebutuhané sing nduwé omah. (1Kor 9:19-23) Contoné, apa sing bakal njenengan omongké nèk sing nduwé omah lagi waé kélangan wong sing disayangi merga kematian?

DELOKEN VIDÉONÉ, TERUS JAWABEN PITAKONAN-PITAKONAN IKI:

  • Topik apa sing dirembug penginjil kuwi karo sing nduwé omah?

  • Apa waé sing dialami sing nduwé omah?

  • Ayat endi sing paling cocog, lan apa sebabé?

  • Piyé carané njenengan nggawé penyesuaian bèn apa sing disampèkké isa cocog karo wong-wong ing dhaérahé njenengan?