Langsung mlebu

Lunga menyang daftar isi

 URIPÉ WONG KRISTEN

Tambah Trampil Nginjil—Nginjil marang Sapa Waé sing Ana ing Dhaérah Kita

Tambah Trampil Nginjil—Nginjil marang Sapa Waé sing Ana ing Dhaérah Kita

PENTING MERGA: Zakharia ngramalké nèk wong-wong saka kabèh basa lan bangsa bakal gelem nampa kabar apik. (Za 8:23) Ning, sapa sing bakal mulang wong-wong kuwi? (Rm 10:13-15) Kita kabèh nduwé hak istiméwa lan tanggung jawab kanggo martakké kabar apik marang sapa waé sing ana ing dhaérah kita.​—od-IN 84 ¶10-11.

CARANÉ:

  • Persiapan. Apa panjenengan ketemu karo wong sing nggunakké basa liya? Panjenengan isa nggunakké aplikasi JW Language bèn isa sinau cara sing sedherhana kanggo nginjil. Utawa gunakna piranti èlèktronik panjenengan kanggo nduduhké marang wong kuwi carané éntuk katrangan luwih akèh ing basané dhéwé sing ana ing situs wèb jw.org

  • Kudu tanggap. Nèk pas nginjil ing omah-omah, gunakna kabèh kesempatan kanggo mènèhi kesaksian marang sapa waé sing panjenengan temoni ing dalan utawa sing lagi ngentèni ing njero mobil. Nèk pas nginjil ing panggonan umum, aja nganti keslimur karo bab-bab liya

  • Kudu sregep. Ngupayaa kanggo nemoni wong-wong sing ora ana ing omah wektu nginjil sepisanan. Ngupayaa kanggo nemoni wong ing saben omah, mbokmenawa ing jam utawa dina sing béda. Kita isa uga nginjil liwat surat, télépon, utawa nginjil ing dalan bèn isa ketemu karo wong-wong sing ora isa ditemoni ing omahé

  • Marani manèh. Kudu cepet marani manèh kanggo mupuk minaté. Nèk wong kuwi nggunakké basa liya, ngupayaa kanggo ngubungi penginjil liya sing cocog kanggo mbantu wong kuwi nganggo basané. Panjenengan kudu terus ngubungi wong kuwi nganti wong kuwi ditemoni karo penginjil sing nggunakké basané wong kuwi.​—od-IN 94 ¶39-40

SETÈLEN VIDEO NGINJIL ING DHAÉRAH TERPENCIL, BANJUR JAWABEN PITAKONAN-PITAKONAN IKI:

  • Persiapan apa waé sing digawé karo para sedulur kanggo nginjil marang wong-wong ing dhaérah terpencil? (1Kr 9:22, 23)

  • Tantangan apa waé sing kudu diadhepi?

  • Berkah apa waé sing dirasakké?

  • Upaya apa waé sing isa kita tindakké kanggo nemoni luwih akèh wong ing dhaérah kita?