Langsung mlebu

Lunga menyang daftar isi

 URIPÉ WONG KRISTEN

Bergaul karo Wong-Wong sing Sayang Yéhuwah

Bergaul karo Wong-Wong sing Sayang Yéhuwah

Apa sebabé awaké dhéwé kudu bergaul karo wong-wong sing sayang Yéhuwah? Merga wong-wong sing bergaul karo awaké dhéwé isa mengaruhi tumindaké awaké dhéwé. (WB 13:20) Contoné, Raja Yéhoas nindakké ”apa kang bener ana ing paningaling Yéhuwah” wektu bergaul karo Imam Agung Yéhoyada. (2Bb 24:2) Ning, sakwisé Yéhoyada mati, Yéhoas ninggalké Yéhuwah merga bergaul karo wong-wong sing ora manut Yéhuwah.​—2Bb 24:17-19.

Ing jamané para rasul, Rasul Paulus madhakké jemaat Kristen kaya ”omah sing gedhé” lan anggotané kaya ”alat-alat” rumah tangga. Awaké dhéwé isa tetep dadi ”alat sing penting” nèk ora bergaul karo wong sing ora manut Yéhuwah, senajan wong kuwi sedulur seiman utawa keluargané awaké dhéwé. (2Tim 2:20, 21) Mula, awaké dhéwé kudu terus bergaul karo wong-wong sing sayang Yéhuwah lan sing isa nguwatké awaké dhéwé bèn setya karo Yéhuwah.

DELOKEN VIDEO ORA BERGAUL KARO SING ORA MANUT YÉHUWAH, TERUS JAWABEN PITAKONAN-PITAKONAN IKI:

  • Piyé awaké dhéwé isa waé ora krasa nèk wis bergaul karo wong-wong sing ora manut Yéhuwah?

  • Ing video kuwi, apa sing mbantu telung sedulur kuwi isa mandheg bergaul karo wong-wong sing ora manut Yéhuwah?

  • Pathokan-pathokan Alkitab endi sing isa mbantu njenengan milih kanca?

Apa aku klebu ”alat sing penting”?—2Tim 2:21