Langsung mlebu

Lunga menyang daftar isi

 PITAKONAN 7

Piyé Aku Isa Nolak Nèk Digodha kanggo Hubungan Sèks?

Piyé Aku Isa Nolak Nèk Digodha kanggo Hubungan Sèks?

NGAPA PENTING?

Keputusanmu bab sèks pengaruhé gedhé ing uripmu sukmbèn.

KOWÉ KUDU PIYÉ?

Bayangna cerita iki: Hèlen kenal Martin lagi rong sasi, ning Hèlen ngrasa wis suwé banget kenal Martin. Wong loro kuwi SMS-an terus, télpon-télponan pirang-pirang jam, lan ngrasa wis cocog banget. Ning, saiki Martin péngin sing luwih, ora mung omong-omongan.

Saksuwéné rong sasi iki, Hèlen lan Martin mung gandhèngan tangan lan ambung-ambungan pipi waé. Hèlen ora péngin luwih saka kuwi, ning Hèlen ya ora péngin kélangan Martin. Mung Martin sing isa nggawé Hèlen ngrasa paling ayu lan istiméwa. ’Apa manèh aku karo Martin padha senengé . . . ’, Hèlen mbatin.

Nèk kowé wis cukup umur kanggo pacaran, lan ngadhepi kahanan kaya Hèlen, terus kowé kudu piyé?

PIKIREN DHISIK!

Hubungan sèks kuwi hadiah saka Gusti Allah mung kanggo wong sing wis nikah. Hubungan sèks sakdurungé nikah ngrusak hadiah kuwi. Kuwi kaya ndadèkké klambi apik sing dikèki wong, dadi lap

Nèk kowé nglawan hukum alam, contoné hukum gravitasi, kowé bakal cilaka. Semono uga, kowé ya bakal cilaka nèk nglawan pathokan bab moral, sing kandha, ”Nyingkira saka tumindak cabul.”1 Tésalonika 4:3, NW.

Apa akibaté nèk nglawan pathokan kuwi? Alkitab kandha, ”Wong sing tumindak cabul kuwi nggawé dosa marang badané dhéwé.” (1 Korinta 6:18, NW) Kok isa?

 Ana hasil penelitian sing kandha nèk akèh cah enom sing hubungan sèks sakdurungé nikah ngalami siji utawa luwih akibat sing èlèk kaya ing ngisor iki.

  • ATINÉ SUSAH. Akèh-akèhé cah enom sing hubungan sèks sakdurungé nikah kandha nèk dhèwèké gela banget sakwisé nglakoni kuwi.

  • ORA GAMPANG PERCAYA. Sakwisé hubungan sèks, wong-wong kuwi mulai mikir, ’Karo sapa manèh ya dhèwèké wis hubungan sèks?’

  • GELA. Sakjané, akèh cah wédok luwih seneng karo wong sing gelem nglindhungi dhèwèké, dudu wong sing mung nggolèk kepénaké dhéwé. Akèh cah lanang uga ora seneng karo cah wédok sing gampangan.

  • Intiné: Nèk nyerah kanggo hubungan sèks sakdurungé nikah, kowé ngekèkké perkara aji sing kok duwèni lan nggawé awakmu ora aji manèh. (Rum 1:24) Badanmu aji banget, aja nganti kok kèkké ngono waé.

Duduhna nèk kowé nduwé kekuwatan kanggo ’nyingkir saka tumindak cabul’. (1 Tésalonika 4:3NW) Sukmbèn nèk wis nikah, kowé éntuk hubungan sèks. Kowé isa seneng nindakké kuwi tanpa ngrasa kuwatir, gela, lan was-was sing kerep dialami wong sing hubungan sèks sakdurungé nikah.Wulang Bebasan 7:22, 23; 1 Korinta 7:3.

 MENURUTMU

  • Apa wong sing bener-bener sayang karo kowé bakal mbebayani fisikmu lan nyusahké atimu?

  • Apa wong sing bener-bener sayang karo kowé bakal ngrusak hubunganmu karo Gusti Allah?Ibrani 13:4.