Wulang Bebasan 16:1-33

  • Yéhuwah ngerti niaté wong (2)

  • Kabèh sing mbok tindakké pasrahna marang Yéhuwah (3)

  • Timbangan sing ukurané bener saka Yéhuwah (11)

  • Wong sombong bakal cilaka (18)

  • Uwan kuwi mahkota sing apik banget (31)

16  Wong isa nggawé rencana ing atiné,*Ning Yéhuwah sing mbantu dhèwèké bèn isa mènèhi jawaban sing bener.*+   Wong isa waé mikir nèk kabèh tumindaké wis bener,*+Ning Yéhuwah isa ngerti niaté.+   Pasrahna* marang Yéhuwah kabèh sing wis mbok tindakké,+Lan kabèh rencanamu mesthi bakal berhasil.   Yéhuwah nggunakké apa waé bèn tujuané kelakon,Lan Dhèwèké mesthi bakal nyingkirké wong sing jahat.+   Yéhuwah sengit karo kabèh wong sing sombong.+ Wong sing kaya ngono mesthi bakal dihukum.   Wong sing setya lan nresnani* wong liya seneng ngapura salahé wong liya,+Lan wong sing wedi marang* Yéhuwah ngedohi apa sing jahat.+   Nèk Yéhuwah seneng karo tumindaké wong,Dhèwèké bakal nggawé mungsuh-mungsuhé wong kuwi rukun karo wong kuwi.+   Luwih apik éntuk sithik, ning jujur,+Timbang éntuk akèh, ning ora jujur.+   Wong isa nduwé rencana ing atiné,Ning Yéhuwah sing ngarahké langkahé.+ 10  Raja kuduné nyampèkké keputusan saka Gusti Allah.+ Aja nganti dhèwèké ora adil.+ 11  Timbangan sing ukurané bener kuwi saka Yéhuwah. Dhèwèké sing nentokké ukurané bandhul timbangan sing ana ing tas.+ 12  Raja kudu sengit karo tumindak sing jahat,+Merga keadilan kuwi sing nggawé kerajaan tetep kukuh.+ 13  Raja seneng karo omongan sing bener. Dhèwèké seneng karo wong sing omongané jujur+ 14  Wong isa dipatèni nèk raja nesu,+Ning wong sing wicaksana nggawé raja ora nesu manèh.+ 15  Nèk raja seneng karo wong, wong kuwi bakal urip bahagia. Rasa senengé raja kuwi kaya udan pas musim semi.+ 16  Luwih apik isa dadi wicaksana timbang éntuk emas.+ Luwih apik éntuk pemahaman timbang éntuk pérak.+ 17  Wong sing bener ora nindakké sing jahat. Wong sing njaga tumindaké nglindhungi nyawané.+ 18  Wong sing sombong bakal kena bencana,Lan wong sing angkuh bakal hancur.+ 19  Luwih apik dadi wong sing rendah hati ing antarané wong sing wataké alus+ Timbang éntuk jarahan saka wong sing sombong. 20  Wong sing nduduhké pemahaman wektu ngalami masalah mesthi bakal berhasil,*Lan wong sing percaya karo Yéhuwah bakal bahagia. 21  Wong sing wicaksana bakal dikenal merga nduwé pemahaman,+Lan omongan sing nyenengké isa nggawé wong liya dadi yakin.+ 22  Kanggoné wong sing nduwé pemahaman, pemahaman kuwi kaya sumber kehidupan,Ning tumindaké wong bodho nyebabké dhèwèké dihukum. 23  Wong wicaksana mikirké tenanan apa sing arep diomongké+ Lan nggawé wong liya yakin nganggo omongané. 24  Omongan sing nyenengké kuwi kaya madu sing nètès,Legi rasané lan nguwatké awak.*+ 25  Ana wong sing mikir nèk tumindaké kuwi bener,Ning akhiré kuwi nyebabké dhèwèké mati.+ 26  Merga péngin mangan, wong dadi semangat kerja. Merga ngelih,* dhèwèké kudu kerja keras.+ 27  Wong sing ora ana gunané nggawé rencana jahat.+ Omongané kaya geni sing gedhé banget.+ 28  Wong sing seneng nggawé masalah* nyebabké padu,+Lan wong sing seneng mitnah nggawé kanca akrab dadi ora rukun manèh.+ 29  Wong sing kejem ngojok-ojokiLan ngejaki wong liya bèn tumindak jahat. 30  Dhèwèké ngedhèpké mripaté wektu nggawé rencana jahat. Saka wajahé kétok nèk dhèwèké nindakké rencana jahaté. 31  Uwané wong sing tumindaké bener kuwi+ Kaya mahkota sing apik banget.+ 32  Wong sing ora gampang nesu+ kuwi luwih apik timbang wong sing kuwat,Lan wong sing isa nahan émosiné kuwi luwih kuwat timbang wong sing isa ngalahké kutha.+ 33  Wong isa waé nguncalké undhi,*+Ning Yéhuwah sing nentokké hasilé.+

Katrangan Tambahan

Lit.: ”Manungsa sing ngatur sing ana ing atiné”.
Lit.: ”jawaban saka ilaté”.
Lit.: ”murni”.
Lit.: ”Glundhungna”.
Utawa ”nduduhké katresnan sing langgeng marang”. Deloken Daftar Istilah.
Lit.: ”éntuk apa sing apik”.
Lit.: ”nambani balung”.
Utawa ”luwé”. Lit.: ”cangkemé”.
Utawa ”sing licik”.
Lit.: ”nguncalké undhi ing pangkuan”.