Yérémia 26:1-24

  • Yérémia diancam arep dipatèni (1-15)

  • Yérémia ora sida dipatèni (16-19)

    • Kutipan saka ramalané Mikha (18)

  • Nabi Uriya (20-24)

26  Ing awal pamréntahané Yéhoyakim+ anaké Yosia raja Yéhuda, Yéhuwah kandha,  ”Iki sing diomongké Yéhuwah: ’Ngadega ing halaman omahé Yéhuwah, lan ngomonga soal* kabèh penduduk kutha-kutha Yéhuda sing mara kanggo ngibadah* ing omahé Yéhuwah. Sampèkna kabèh sing Tak préntahké marang kowé. Aja nganti ana sing ora mbok omongké.  Sapa ngerti wong-wong kuwi gelem ngrungokké lan saben wong ora nindakké apa sing jahat manèh, lan Aku bakal berubah pikiran* soal bencana sing arep Tak wènèhké marang wong-wong kuwi merga tumindaké sing jahat.+  Ngomonga ngéné, ”Iki sing diomongké Yéhuwah: ’Nèk kowé ora gelem ngrungokké Aku lan ora gelem manut hukum* sing Tak wènèhké marang kowé,  lan nèk kowé ora gelem ngrungokké omongané para abdi-Ku, yaiku para nabi, sing wis bola-bali Tak utus* marang kowé,+  Aku bakal ndadèkké omah iki kaya Syilo.+ Aku bakal ngancurké kutha iki, lan merga kuwi, kabèh bangsa ing bumi bakal nggunakké jeneng kutha iki kanggo ngutuki.’”’”+  Para imam, nabi, lan kabèh rakyat padha ngrungokké wektu Yérémia nyampèkké kuwi kabèh ing omahé Yéhuwah.+  Yérémia akhiré rampung nyampèkké kabèh sing dipréntahké Yéhuwah liwat dhèwèké. Bar kuwi, para imam, nabi, lan kabèh rakyat nangkep dhèwèké lan kandha, ”Kowé kudu mati.  Ngapa kowé ngramal nganggo jeneng Yéhuwah, ’Omah iki bakal dadi kaya Syilo. Kutha iki bakal diremuk lan ora dienggoni manèh’?” Kabèh rakyat padha ngrubung Yérémia ing omahé Yéhuwah. 10  Wektu krungu omongan kuwi, para pemimpin Yéhuda lunga saka istana menyang omahé Yéhuwah, terus padha lungguh ing gerbang anyar omahé Yéhuwah.+ 11  Bar kuwi, para imam lan nabi kandha marang para pemimpin lan kabèh rakyat, ”Wong iki pantes dihukum mati+ merga dhèwèké ngramalké bencana kanggo kutha iki. Kowé kabèh wis krungu dhéwé soal kuwi.”+ 12  Mula Yérémia kandha marang kabèh pemimpin lan rakyat, ”Yéhuwah sing ngutus aku nyampèkké ramalan sing mbok rungokké, yaiku ramalan soal omah iki lan kutha iki.+ 13  Mula saiki tumindak lan kelakuanmu kudu mbok ubah. Manuta omongané Yéhuwah Gusti Allahmu bèn Yéhuwah berubah pikiran* soal bencana sing wis Dhèwèké omongké marang kowé.+ 14  Ning soal aku, terserah kowé aku arep mbok apakké. 15  Tapi nèk nganti kowé matèni aku, mesthi kowé karo kutha iki lan penduduké bakal dianggep salah merga matèni wong sing ora salah, sebab Yéhuwah wis bener-bener ngutus aku bèn nyampèkké omongan iki.” 16  Terus para pemimpin lan kabèh rakyat kandha marang para imam lan nabi, ”Wong iki ora pantes mati merga dhèwèké ngomong nganggo jeneng Yéhuwah Gusti Allahé awaké dhéwé.” 17  Sakliyané kuwi, ana pemimpin* ing tanah kuwi sing ngadeg lan kandha marang kumpulan wong kuwi, 18  ”Mikha+ saka Morèsyèt tau ngramal pas jamané Hizkia+ raja Yéhuda. Dhèwèké kandha marang kabèh wong Yéhuda, ’Iki sing diomongké Yéhuwah pemimpiné pasukan: ”Zion bakal dibajak kaya ladhang,Yérusalèm bakal dadi kutha sing hancur,+Gunung panggonané omahé Gusti Allah* bakal dadi kaya hutan.”’+ 19  ”Apa Hizkia raja Yéhuda lan kabèh wong Yéhuda matèni Mikha? Raja kan malah wedi marang Yéhuwah lan njaluk dimesakké Yéhuwah, ta? Mula, Yéhuwah berubah pikiran* soal bencana sing wis diomongké marang wong-wong kuwi.+ Dadi, nèk awaké dhéwé nindakké kaya ngono kuwi,* mengko awaké dhéwé isa kena bencana merga salahé awaké dhéwé. 20  ”Ana manèh sing ngramal nganggo jeneng Yéhuwah, yaiku Uriya anaké Syémaya saka Kiriat-yéarim.+ Dhèwèké ngramal soal kutha iki lan tanah iki kaya ramalané Yérémia. 21  Wektu Raja Yéhoyakim,+ kabèh prajurit, lan para pejabaté krungu omongané Uriya, Raja arep matèni dhèwèké.+ Pas krungu kuwi, Uriya wedi. Terus dhèwèké mlayu menyang Mesir. 22  Bar kuwi, Raja Yéhoyakim ngutus Èlnatan+ anaké Akhbor lan wong-wong liyané menyang Mesir. 23  Wong-wong kuwi nangkep Uriya ing Mesir, terus nggawa dhèwèké marang Raja Yéhoyakim. Bar kuwi, Raja matèni Uriya nganggo pedhang+ lan nguncalké mayaté ing kuburané rakyat biasa.” 24  Ning, Yérémia dilindhungi Ahikam+ anaké Syafan.+ Mula, Yérémia ora diserahké marang rakyat bèn dipatèni.+

Katrangan Tambahan

Utawa ”marang”.
Utawa ”sujud”.
Utawa ”bakal gela”.
Utawa ”tuntunan”.
Lit.: ”Aku tangi ésuk-ésuk lan ngutus”.
Utawa ”Yéhuwah gela”.
Utawa ”sesepuh”.
Utawa ”Gunung panggonané bait”.
Utawa ”Yéhuwah gela”.
Maksudé, matèni Yérémia.