1 Babad 5:1-26

  • Keturunané Rubèn (1-10)

  • Keturunané Gad (11-17)

  • Wong Hagri dikalahké (18-22)

  • Setengahé suku Manasyé (23-26)

5  Iki anak-anaké lanang Rubèn,+ anak pertamané Israèl. Dhèwèké kuwi anak pertama, ning merga dhèwèké turu karo gundhiké bapaké,*+ haké dadi anak pertama diwènèhké marang anak-anaké lanang Yusuf+ anaké Israèl. Mula, ing silsilah kuwi dhèwèké ora kedaftar dadi anak pertama.  Senajan Yéhuda+ luwih unggul timbang sedulur-seduluré lan wong sing dadi pemimpin bakal metu saka dhèwèké,+ ning hak dadi anak pertama kuwi duwèké Yusuf.  Anak-anaké lanang Rubèn anak pertamané Israèl yaiku Hanokh, Palu, Hézron, lan Karmi.+  Anaké lanang Yoèl yaiku Syémaya. Anaké lanang Syémaya yaiku Gog. Anaké lanang Gog yaiku Syiméi.  Anaké lanang Syiméi yaiku Mikha. Anaké lanang Mikha yaiku Réaya. Anaké lanang Réaya yaiku Baal.  Anaké lanang Baal yaiku Béèrah, sing ditawan Tilgat-pilnèsèr+ raja Asiria. Dhèwèké kuwi pemimpiné wong Rubèn.  Sesuai daftar silsilah keluargané wong-wong kuwi, sedulur-seduluré Béèrah yaiku Yéièl sing dadi kepala, Zakharia,  lan Béla anaké Azaz anaké Syéma anaké Yoèl. Keturunané Béla manggon ing Aroèr+ nganti tekan Nébo lan Baal-méon.+  Ing sisih wétan, dhèwèké manggon nganti tekan pinggiré padhang belantara ing Kali Éfrat,+ merga ternaké wong-wong kuwi jumlahé saya akèh ing tanah Giléad.+ 10  Ing jamané Saul, wong-wong kuwi perang lan ngalahké wong Hagri. Mula, wong-wong kuwi manggon ing kémah-kémahé wong Hagri ing kabèh dhaérah ing sisih wétané Giléad. 11  Keturunané Gad manggon ing sebelahé wong-wong kuwi ing tanah Basyan nganti tekan Saléka.+ 12  Ing Basyan, Yoèl dadi kepala, Syafam sing nomer loro, lan ing kana ya ana Yanai lan Syafat. 13  Sedulur-seduluré wong-wong kuwi saka keluarga pihak bapak ana pitu, yaiku Mikhaèl, Mésyulam, Syéba, Yorai, Yakan, Zia, lan Èbèr. 14  Kuwi kabèh anak-anaké lanang Abihail anaké Huri anaké Yaroah anaké Giléad anaké Mikhaèl anaké Yésyisyai anaké Yahdo anaké Buz. 15  Ahi anaké Abdièl anaké Guni kuwi pemimpin saka keluarga pihak bapaké wong-wong kuwi. 16  Wong-wong kuwi manggon ing Giléad,+ ing Basyan+ lan kutha-kutha ing sekitaré, lan ing kabèh padhang rumput Syaron nganti tekan ujung-ujungé. 17  Kabèh wong kuwi ditulis ing daftar silsilah pas jamané Yotam+ raja Yéhuda lan jamané Yéroboam*+ raja Israèl. 18  Pasukané wong Rubèn, wong Gad, lan setengahé suku Manasyé nduwé 44.760 pejuang hébat sing terlatih kanggo perang sing nggawa tamèng, pedhang, lan busur. 19  Wong-wong kuwi perang nglawan wong Hagri,+ Yétur, Nafis,+ lan Nodab. 20  Wong-wong kuwi njaluk bantuané Gusti Allah pas perang, mula wong-wong Hagri lan kabèh balané wong Hagri diserahké marang wong-wong kuwi. Gusti Allah ngrungokké wong-wong kuwi merga wong-wong kuwi percaya marang Gusti Allah.+ 21  Wong-wong kuwi ngrampas ternak-ternak, yaiku unta 50.000, domba 250.000, lan keledai 2.000. Wong-wong kuwi ya nawan wong 100.000. 22  Ana akèh sing dipatèni, merga kuwi perangé Gusti Allah sing bener.+ Wong-wong kuwi manggon ing kono nganti wong-wong kuwi ditawan.+ 23  Keturunané setengahé suku Manasyé+ manggon ing Basyan nganti tekan Baal-hèrmon, Sénir, lan Gunung Hèrmon.+ Wong-wong kuwi jumlahé akèh banget. 24  Para pemimpin keluarga pihak bapaké wong-wong kuwi yaiku Èfèr, Isyi, Èlièl, Azrièl, Yérémia, Hodawia, lan Yahdièl. Kabèh wong kuwi pejuang sing hébat, wong sing terkenal, lan pemimpin saka keluarga pihak bapak. 25  Ning, wong-wong kuwi ora setya marang Gusti Allahé nènèk moyangé lan nyembah allah-allahé rakyat ing tanah kuwi+ sing wis disingkirké Gusti Allah saka ngarepé wong-wong kuwi. 26  Mula, Gusti Allahé Israèl nggawé Pul raja Asiria+ (yaiku Tilgat-pilnèsèr+ raja Asiria) bèn nduwé kepénginan kanggo nawan wong Rubèn, wong Gad, lan setengahé suku Manasyé, terus nggawa wong-wong kuwi menyang Hala, Habor, Hara, lan Kali Gozan.+ Mula, wong-wong kuwi manggon ing kana nganti saiki.

Katrangan Tambahan

Lit.: ”nggawé kasuré bapaké dadi najis”.
Maksudé, Yéroboam II.