1 Samuèl 29:1-11

  • Wong Filistin ora percaya karo Daud (1-11)

29  Wong Filistin+ ngumpulké kabèh pasukané ing Afèk. Wektu kuwi, wong Israèl ya kémah ing cedhak mata air ing Yizréèl.+  Para penguasané Filistin maju karo pasukané sing dibagi ing kelompok wong satus lan kelompok wong sèwu. Daud lan pasukané baris ing mburiné wong Filistin bareng karo Akhis.+  Ning, para pemimpin pasukané wong Filistin kandha, ”Ngapa wong-wong Ibrani iki padha ing kéné?” Akhis njawab, ”Iki Daud, abdiné Saul raja Israèl. Daud wis setaun luwih mèlu aku.+ Kèt Daud ninggalké majikané terus mèlu aku nganti saiki, aku ora nemokké kesalahan apa-apa saka dhèwèké.”  Ning, para pemimpin pasukané wong Filistin nesu lan kandha, ”Kongkonen dhèwèké bali+ menyang panggonan sing wis mbok wènèhké. Aja nganti dhèwèké mèlu perang karo awaké dhéwé, mengko ndhak mbalik nglawan awaké dhéwé ing perang kuwi.+ Nèk isa matèni pasukané awaké dhéwé, majikané mesthi seneng, ta?  Dhèwèké kuwi kan Daud sing dimaksud wong-wong pas nari lan nyanyi,’Saul matèni éwonan,Ning Daud matèni puluhan èwu’?”+  Mula, Akhis+ ngundang* Daud lan kandha, ”Aku sumpah demi Yéhuwah Gusti Allah sing urip nèk kowé kuwi wong sing bener. Aku ya seneng nèk kowé isa mèlu perang karo pasukanku.+ Kèt kowé mèlu aku nganti saiki, aku ora nemokké kesalahan apa-apa saka kowé.+ Ning, para penguasané Filistin ora percaya karo kowé.+  Mula, saiki kowé bali waé lan ora usah kuwatir. Aja nindakké apa-apa sing isa nggawé para penguasané Filistin ora seneng.”  Ning Daud njawab Akhis, ”Ngapa? Salahku apa? Kèt aku mèlu njenengan nganti saiki, kesalahan apa sing wis tak lakoni? Ngapa aku ora olèh mèlu njenengan lan nglawan mungsuh-mungsuhé njenengan?”  Akhis njawab, ”Nèk kanggoku, kowé kuwi wong sing apik banget kaya malaékaté Gusti Allah.+ Ning, para pemimpin pasukané wong Filistin kandha, ’Aja nganti dhèwèké mèlu perang karo awaké dhéwé.’ 10  Mula sésuk ésuk, kowé lan wong-wong sing teka karo kowé iki kudu tangi ésuk banget, terus mangkat pas mulai padhang.” 11  Mula, Daud lan anak buahé tangi ésuk banget, terus bali menyang wilayahé wong Filistin. Ning, wong Filistin mangkat menyang Yizréèl.+

Katrangan Tambahan

Utawa ”nyeluk”.