Nekáska Yuúsa nemasríṉkia Íwianchiti. Yuúsa suntarí, Yuúsan umirkatniun nakitiak kajek Yuúsa nemasri ajasmiayi. Tura tuke yamaisha Yuúsan kajerú pujawai, aíntsaṉk, aéntsnash itit amajui. Íwianchkia waitriniaiti, maṉkartiniaiti tura peṉké yajauchiti (Juaṉ 8:44).

Chikichcha Yuúsa suntarí ármia nu, Íwianchin nemarkarmiayi. Yuúsa suntarí ármia nu, Íwianchin nemarin ajasarmiayi. Íwianchia aíntsaṉk, Yuúsa suntarí Íwianchin nemarkarmia nusha, aéntsun kajerainia asar yajauch amajainiawai. (Márkus 5:2, 5). Nu túmamuri amuutuktin peṉké ishichik taattsayi. Íwianchin suntaríntiuk, Jehová tuke amuktatui (Apukarípsis [Revelación] 12:12).

Yuúsa amikrí ajastaj takurkia, Íwianch wakéra nu najanashtiniaitji. Íwianch ni suntaríjiai Yuúsan kajerin aíniawai. Tura iíncha Yuúsan kajerin ajasarat tusa wakéruiniawai. Tuma asamtai iísha ¿ya wakéramu najanattaj? ¿Yuús Jehová wakéramuash turuskesha Íwianch wakéramuash? Tuke iwiáku pujustasar wakérakrikia, Yuús Jehová wakéramu najanatniuitji. Íwianchkia, itiúr aénts ajuarminiait nuna nékawai. Tuma asa iniarminian núkap apujniuiti (Apukarípsis [Revelación] 12:9).