Amesha waritmea . . .

  • yamaiya áintsankeash ati?

  • nuú itiúrchatash ati?

  • iwiárnartimpiash?

 YUÚS PAPIÍ TAWAI

Yuús neajkin ujuktúrartatui. Tura nuik amia nuka ashí amuukarmatai, jákatniusha, úuttincha, wáitsatniusha tura najáimiatniusha atsúttawai (Apukarípsis 21:4).

NEKÁJNIA NU ITIÚR YAINMAJ

Takákmakrisha wará warát enentaimsar takákmastatji (Isaías 65:21-23).

Sunkurmakar wáitiamush atsúttawai (Isaías 25:8; 33:24).

Ii shuarjai tura ii amikrijiai tuke warasar pujúttaji (Salmo 37:10,11, 27-31).

 WARÍ AKUI YUÚS PAPIÍ TANA NU NEKÁSAITI TÍMINIAITIAJ?

Juú enentái akui nekásaiti tíminiaitji:

  • Yuuska kakaram asa chichakmarin umíniaiti. Ti kakaram asamtai, Yuús Papiínmanka aya Yuusnak penké Tujinchaiti tawai (Apukarípsis 15:3). Juú nunkanam yajaúch írunna nuna amúktatjai tákunka, tímiatrusank umíktatui taji. Yuús Papiinium tana aintsank, Yuuska ashí tujíntiatsui (Mateu 19:26).

  • Yuuska ni chichakmarin umíktinian wakérawai. Yuús Papií tawai, Yuús Jehová, aents jákaru ainian iniankitniun ti wakérawai (Job 14:14, 15).

    Aents sunkurmák jainian, Jesús Yuusa uchirí tsuarármiayi. Urúkamtai nuna túramia? Aents waitias pujusarain tusa túramiayi (Márkus 1:40, 41). Yuús Jehová, aents wáitiainian yáintasa wakéramun, Jesús tsuákratar iniákmamsamiayi (Juaṉ 5:19).

    Juú nunka ti shiir ajasmanum aents warás pujusarat tusar, Jehová, Jesusjai wakéruinia nu, nekásaiti taji (Salmo 72:12-14; 34:10).

 ENENTAIMIA AJAKIA

Itiurak juú nunkancha Yuussha pénker amajsat?

Tu enentaímmena nuka Yuús Papiinium wainkiáttame MATEU 6:9, 10; DANIEL 2:44.