Ir al contenido

Ir al menú secundario

Ir al índice

Testigos de Jehová

shuar

Shiir Chicham Yuúsnumia Winiá

 Akankamu 3

¿Shiir chicham nekásash Yuúsnumia winiá?

¿Shiir chicham nekásash Yuúsnumia winiá?

1. ¿Yuús Papii tunía winiá?

Tí shiir chicham, juú nuṉka shiiram ajasmanum pujustin tamaka Yuús Papiinium aárma awai (Yus Kanta 37:27-31). Yuús 40 aéntsun juuk, ni chichamen 66 papiin aámtikrarmiayi. Moisés emka ewej papiin aármiania nuka 3.500 uwí nankamasuiti. Tura apóstol Juan amuamunmanka aármiayi, ni aármaka 1.900 uwí nankamasuiti. Yuús Papiinium aárma nuka Yuús enentaimmia aármaiti (2 Samuel 23:2, NM). Yuús Papiin, aénts aárarua nuka ni enentaimmiarinkia aárcharuiti antsu Yuúsa kakarmarijiai, Yuús enentaimmian ­aáraruiti tuma asa Yuús Papiikia, Yuúsnumia winiáwai. Túramuri̱ 3:21, aujsata.

2. Yuús Papiinium ana nu ¿urukamtai nekásaiti timiniaitiaj?

Yuúsnumia winiá asamtai nekásaiti tají. Aéntska uruma nui nankamastinia nuna timiatrusaṉk titinniaka jeatsui antsu Yuús Papiikia uruma nui nankamastin aármaka timiatrusaṉk uminiaiti (Jusuí 23:14). Aya Yuúsak tí kakaram asa nuna najanniuiti. Isayas 42:9; 46:10, aujsata.

Watskea enentaimsakia, Yuúsnumia papii winiá ¿urukuk aminiait? Papii aénts aákma iruneana nunasha iniankasapi aminiaitia. Yuús Papiikia 450 chichamjai íniankasan nukapé nupanti sukartusmaiti. Yakí tura nuṉka irunna nuna unuimiatin aénts tuiniana aintsaṉk Yuús Papiisha yaunchuniaitiat nisha imiatrusaṉk tawai. 40 aénts, metek pujus aárcharuitiat nuú enentainiak aáraruiti. * Yuús Papiikia, Yuús anenkratman iniakmawai, aintsaṉk aéntsu enentai  yapajtiuatniun, kakarman achiakui. Tuma asamtai nukapé aénts Yuús Papiikia nekás Yuúsa chichamente tuiniawai. 1 Tisarúnikianam 2:13, aujsata.

3. Yuús Papiiniumsha ¿warínia aujmatea?

Yuús Papiinmanka aya péṉker chichamak awai. Aintsaṉk Yuús, aéntstin urukamtai najátmaitiaj nuna aujmatui. Juú nuṉkan tí péṉker amajas Yuús susamaitiat aénts emenkakmiania nunasha aujmatui. Tura aintsaṉk juú nuṉkan itiúr iwiaratta nunash aujmateawai. Apukarípsis 21:4, 5, aujsata.

Yuús Papiinmanka warí najánatniuitiaj tura Yuús chichakma nu umiktin, nuyá chicharkartamush awai. Nuyásha Jehová yaunchuk aéntsun itiúr iismia nunash turamji, tuma asa Yuús Papiikia ni urukuit nu nekatniun yainmaji. Aintsaṉk itiúrkaria ni amikrí ajasminiaitiaj nunash unuitiamji. Yus Kanta 19:7, 11; Sántiak 2:23; 4:8, aujsata.

4. Yuús Papiisha ¿warínia nekatniun yainmakminiaitiaj?

Jesúska Yuús Papii akantramurin tishipias amankes jintinkratmiayi. Juú papiikia Jesús jintinkratmia aintsaṉk Yuús Papii péṉker nekatniuin yainmaji. Rúkas 24:27, 45, aujsata.

Yuús shiir chichaman takurtamkajnia nu, amesh nu nukap nekatin wakéruktatme. Tumaitkiusha Yuúsa chichamen imian iiniachush tura chikichkia nakitiainiash irunui. Nu tumainiakui amesha Yuúsa chichame unuimiartin iniasaip. Yuús Papii tawai, aya Yuúsa chichamen unuimiainiak tuke iwiáku pujusartatui. Juaṉ 17:3, aujsata.

 

^ par. 7 Papii, La Biblia. . . ¿la Palabra de Dios, o palabra del hombre? tana nui iista. Nuú papiinkia Testigos de Jehová najánawaruiti.