Ir al contenido

Ir al menú secundario

Ir al índice

Testigos de Jehová

shuar

Shiir Chicham Yuúsnumia Winiá

 Akankamu 4

¿Jesússha yait?

¿Jesússha yait?

Jesús ¿uruku asamtain warík nawamwearmiayi? (MATÉU 11:29; MÁRKUS 10:13-16)

1. ¿Jesússha tunía tamia?

Jesús Juú nuṉkanam tatsuk Yuúsa suntari asa nayaimpiniam pujumiayi (Juaṉ 8:23). Jesúska Yuús Jehová emka najánamu asa ashí irunna nuna najánkatniun yainmiayi. Chikichkiniak niniak nakak najána asamtai Yuús Papiikia “chikichkia nu” tawai (Juaṉ 1:14). Ni aparí chichamen etserka asamtai ‘chicham’ tutainti. Nekatai̱n Jintinkiartin 8:22, 23, 30; Kurusenam 1:15, 16, aujsata.

2. Jesús juú nuṉkanam ¿urukamtai tamia?

Yuús ni Uchirín, nuṉka akupkamiayi. Nuwa natsa María naártinia wakeen, Yuús, Jesúsa iwiákmari enkeamiayi tuma asa nuṉkania aparín takuchmiayi (Lucas 1:30-35, NM). Jesús Juú nuṉkanam manaintiu enentaijiai tamiayi. 1) Yuúsna nekása nuna unuikiarturtasa, 2) itiurchat wainkiursha Yuús wakéramu itiúr najánatniuitiaj nuna iniakmamas ikiuktiasa, 3) ni iwiákmari makchartinchan sukartus uwemtikkiarturtasa tamiayi. Matéu 20:28, aujsata.

3. Uwemtikramu átin ¿urukamtai utsumaj?

Aénts jákarat tura weamrarat tusa Yuúska nu enentaijiai najákratachmiayi. Jehová, Adán naártinian umirtutsuk tunaamkumka jakáttame timiayi. Tunaamkachuitkiunka jákachayi (Náṉkammari̱ 2:16, 17; 5:5). Adán tunaamkamtai, jákatin juarnakmiayi Yuús Papii tawai. Nuú tunaajai ashi aénts tunaartin ajasarmiayi tuma asar mash jákartiniaitji. Tuma asamtai ashí aéntsti uwemtikramu atin utsumaji. Rúmanam 5:12; 6:23, aujsata.

 Jákatniunmania ¿Ya ankan amajkartusminiuya? Jakar ii tunaari akikmaji. Makchartin asar chikicha tunaari akikmakchamniaitji. Yus Kanta 49:7-9, aujsata.

4. ¿Jesús urukamtai jakámia?

Jesúska makchartinchauyayi tuma asa peṉké tunaamkashmiayi.Tunaa najána asa jákachmiayi antsu chikicha tunaarin akikmaktasa jakámiayi. Yuúska ashí aéntsun tí anea asa ni uchurín aéntsun uwemtikrarat tusa ukupturmakmiaji. Ni aparín umirkamujai aintsaṉk tunaanumia tura jákat­niunmaya uwemtikkiarturtasa ni iwiákmarin sukartus, Jesús anenkratman iniakmasmiayi. Juaṉ 6:40; Rúmanam 5:18, 19, aujsata.

5. ¿Yamaiya jui Jesús warínia nájanea?

Jesús juú nuṉkanam pujumia nui,Yuúsa umirin aínianun, uruma nui najánattana nuna iniakmak, aénts jainiancha tsuarmiayi. Jákaruncha iniankimiayi tura waitiainiancha yainmiayi (Matéu 15:30,31; Juaṉ 5:28). Yuús, Jesúsan jakán inianki, iniashinkia wainkiachminian susamiayi. (Ipisiunam 1:20). Jesús nayaimpiam waketki Yuúsa untsuríni pujusmiayi. Ni juú nuṉkanam iikrattsat tusa Yuús susatniuyania nu tsawant jeamam nakasmiayi (Israernum 10:12, 13). Yamaikia Jesús, nayaimpiniam pujus iikrateawai. Nuna Kristu aénts ashí nuṉkanam shiir chichaman etserainiawai. Taniar 7:13, 14; Matéu 24:14, aujsata.

Yuús, ni Uchirín ame iikrattsata tusa susaiti, tuma asa Jesús aénts yajauchin tura waitiamu iruneana nunasha kakaram asa mash amuktatui. Jesús nekás umiktatui tusa umirainiana, nuke Juú nuṉka shiiram ajasmanum warasar pujusartatui. Yus Kanta 37:9-11, aujsata.