Dinamarca nunkánmaiti.

Taiwán nunkánmaiti.

Venezuela nunkánmaiti.

India nunkánmaiti.

Testigos de Jehová nékainiamek? Tuinkish waínchashitiam, ámijiai ayamach pujaaksha atsuash. Urúkamtai Yuusa chichámesha chikich aentscha ujáwitiaj?

Iisha átumea ániuketji. Testigos de Jehovátikia chikich chicham chichaakush, tura kuítrinniush, kuítrinchash páchitraji. Yaúnchukka Yuusna pénkerka nékachuyaji. Antsu yamaikia, Yuusa chichame ti pénker unuimiatrar umíreaji (Túramu [Hechos] 17:11). Tura Yuús Jehová enentáimtustinkia yaksha útsutmakchaitji. Iik wakérukuitji.

Yuús Papií ámamkesar unuimiátniuitji. Itiúrchatka iisha waínniuitji, tura unuutcha unuúwaitji. Túmaitkiuisha Yuús Papií tana nu umíakur pénker pujúwitji (Jiripiusnum [Filipenses] 4:9). Tuma asár chikich aentscha ainis pujusarat tusar wakérakur Yuusa chichame unuíniaji.

Yuusa chichame umírniuitji. Yuusa chichámenka, aents arantúktinian, pénker átinian, yajaúch enentáimsashtinian, nuyá warasar pujústinian yaínmaji. Tura aintsank, Yuusjai iísmaka “ashí aénts métekrak áiniawai”. Tuma asár ashí nunkánmaya aentsjai, iinkís, mukusa, tura chikich chicham chichaíniajaish máshiniu iruntrar pujaji (Túramu [Hechos] 4:13; 10:34, 35).

  • Testigos de Jehovasha itiúrchatan wainniuk ainia?

  • Yuusa chichame warinma yainmákminiait?