Ir al contenido

Ir al menú secundario

Testigos de Jehová

shuar

¿Urumanui Juú nuṉkasha urukuk ati?

¿Urumanui Juú nuṉkasha urukuk ati?

¿Waríntinmek?

  • . . . ¿Yamaiya aíntsaṉkeash ati?

  • . . . ¿Nu itiurchatash ati?

  • . . . ¿Iwiarnartimpiash?

 YUÚS PAPIIKIA JUNIS TAWAI

“Yuús nea̱jkin u̱ju̱kturartatui. Tura nuik amia nuka ashí amuukarmatai, jákatniusha, úttincha, wáitsatniusha tura najaimiatniusha atsuttatwai.” (Apukarípsis 21: 4, Yusa Chichame Aarma.)

NEKÁJNIA NU ITIÚR YAINMAJ

Takakmakrisha warawarat enentaímsar takakmastatji  (Isayas 65:21-23).

Sunkurmakar waitiamush atsuttawai (Isayas 25:8; Isaías 33:24, Traducción del Nuevo Mundo [NM]).

Íi shuarjai tura ii amikrijiai tuke warasar pujuttaji (Yus Kanta 37:10,11, 27-31).

 ¿WARÍ ÁKUI YUÚS PAPIINIUM TANA NU NEKÁSAITI TIMINIAITIAJ?

Juú enentai ákui nekásaiti timiniaitji:

  • Yuúska kakaram asa chichakmarin umíniaiti. Tí kakaram asamtai, Yuús Papiinmanka aya Yuúsnak peṉké “Tujinchaiti” tawai (Apukarípsis 15:3). Juú nuṉkanam yajauch irunna nuna amuktatjai takunka, timiatrusan umiktatui tají. Yuús Papiinium tana aíntsaṉk, “Yuúska ashí tujintiatsui” (Matéu 19:26).

  • Yuúska ni chichakmarin umiktinian wakérawai. Yuús Papii tawai, Yuús Jeuwáka, aénts jákaru aínian iniankitniun tí wakérawai (Job 14:14, 15, NM).

Aénts sunkurmak jainian, Jesús Yuúsa uchirí tsuararmiayi. ¿Urukamtai nuna turamia? Aénts waitias pujusarain tusa turamia (Márkus 1:40, 41). Yuús Jeuwá, aénts waitiainian yaintasa wakéramun, Jesús tsuakratar iniakmasmiayi (Juaṉ 5:19).

Juú nuṉka tí shiir ajasmanum aénts waras pujusarat tusar, Jeuwá, Jesúsjai wakéruiniamu, nekásaiti tají (Yus Kanta 72:12-14; 34:10).

 ENENTAÍMIA AJAKIA

¿Itiúrak juú nuṉkancha Yuússha péṉker amajsat?

Tu enentaímmena nuka Yuús Papiinium wainkiattame MATÉU 6:9, 10; TANIAR 2:44.