Ir al contenido

¿Juú nuṉkanmash nekássha ya iikratea?

¿Juú nuṉkanmash nekássha ya iikratea?

¿Waríntinmek?

  • . . . ¿Yuúsash?

  • . . . ¿Aéntsuash?

  • . . . ¿Íwianchiash?

 YUÚS PAPIIKIA JUNIS TAWAI

“Ashí ju̱ nuṉkanmaya̱ [...] iwianchna aíniawai.” (1 Juaṉ 5:19, Yusa Chichame̱ Aarma.)

“Yuúsa Uchiri ju̱ nuṉkanam táwiti ashí íwianch túramun emesrataj tusa.” (1 Juaṉ 3:8.)

NEKÁJNIA NU ITIÚR YAINMAJ

Juú nuṉkanam itiurchat iruneana nu, tuyá jiinia nu nekattaji (Apukarípsis 12:12).

Juú nuṉka nekás péṉker iwiarnartatui titiatji. (1 Juaṉ 2:15-17).

 ¿WARÍ ÁKUI YUÚS PAPIINIUM TANA NU NEKÁSAITI TIMINIAITIAJ?

Juú enentai ákui nekásaiti timiniaitji:

  • Íwianchi akupkartamurinkia amuukati timiaiti. Íwianch aéntsun akupuu pujana nuna, Yuús Jeuwá amuuktatjai tawai. Íwianchi akupkartamurin Yuús ‘emestur’ juú nuṉkan shiiram amajsattawai (Israernum 2:14).

  • Yuús Jeuwá, Jesúsnaka iikrattsat tusa anaikiaiti. Íwianch ni akupkartak tí yajuachin najaneawai, antsu Jesúska péṉker iíkrattsattawai. Yuús chichak, Jesús iíkrateamunmanka junis átatui tawai: “Kuítrinchan tura atsumainiancha itiurchatri̱ya̱ uwemtikiainiak yaiṉkiartatui. Waitkiasmanumia̱sha tura ti yajauch awajkartinniumiasha uwemtikramnia asa ankant awajsartatui” (Yus Kanta 72:13, 14).

  • Yuúska waitruachminiaiti. Yuús Papii paant tawai ‘Yuús peṉké waitruachminiaiti’ (Isrearnum 6:18). Jeuwá Yuúska chichakmarinkia umítskeka iniaichaiti (Isayas 55:10,11). “Iwianch [...] ju̱ nuṉkanam akupniua nu nupetnak ajapnattawai” Yuús tu chichakuiti (Juaṉ 12:31).

 ENENTAÍMIA AJAKIA

¿Íwianchi akupkartamuri emesnarmatai, juú nuṉkasha urukuk ati?

Tu enentaímmena nuka Yuús Papiinium wainkiattame YUS KANTA 37:10, 11 ; APUKARÍPSIS 21:3, 4.