Ir al contenido

¿Jákaru aína nusha ataksha nantakiarminiashit?

¿Jákaru aína nusha ataksha nantakiarminiashit?

¿Waríntinmek?

  • . . . ¿Ee, tamek?

  • . . . ¿Atsaa, tamek?

  • . . . ¿Cha, nantakchartimpiash tamek?

 YUÚS PAPIIKIA JUNIS TAWAI

“Jakaasha nantakin átatui.” (Túramuri 24:15, Yus Chichame̱ Aarma.)

NEKÁJNIA NU ITIÚR YAINMAJ

Íi shuar jákamtaisha ikiakatmartatji  (2 Kurintiunam 1:3, 4).

Jákatin tí ashamkashtatji  (Israernum 2:15).

Íi shuar jákaru aíniana nu, nekás nantakiartatui tu enentaímsattaji (Juaṉ 11:23-25).

 ¿WARÍ ÁKUI YUÚS PAPIINIUM TANA NU NEKÁSAITI TIMINIAITIAJ?

Juú enentai ákui nekásaiti timiniaitji:

  • Iwiakmanka Yuús sukartusuiti. Yuús Papii Jeuwán tawai, ‘tuke pujustinian sukartiniaiti’ (Yus Kanta 36:9; Túramuri 17:24, 25). Yuús, ashí iwiáru aíniana nuna iwiákman susaiti, tuma asa jákaru aíniana nunasha iniankitniun kakarman achiakui.

  • Yaunchuksha Jeuwá Yuús jákarun iniankiarmiayi. Yuús Papiinium, 8 aénts: aíshmaṉk, nuwa, uchi, natsamarush Jákaru aínian iniankiarman aujmatui. Nuú aénts juú nuṉkanmaṉk ataksha nantakiarmiayi. Yama jákancha iniankiarmiayi tura 4 tsawant Jáka pujáncha iniankimiayi (Juaṉ 11:39-44).

  • Yuúska, aénts jákaru aíniana nuna iniankitniun tí wakérus pujawai. Jeuwáka Játainkia ni nemasri aínis iíya asa peṉké nakitiawai (1 Kurintiunam 15:26). Játainkia ni nemasri asamtai emenkaktinian tí wakérus pujawai, tuma asa jákuru aínian iniankiartatui. Jákaru aíniana nuna iniankittsa enentaímtus pujana nunaka iniankiartatui. Ataksha juú nuṉka shiiram ajasmanum pujuarat tusa wakérawai (Job 14:14,15, Traducción del Nuevo Mundo).

 ENENTAÍMIA AJAKIA

¿Urukamtai uúntach ajataín? ¿Urukamtai játain?

Tu enentaímmena nuka Yuús Papiinium wainkiattame NÁṈKAMMARI̱ 3:17-19; RÚMANAM 5:12.