Langsung ke konten

Langsung ke menu sekunder

Langsung ke daftar isi

Seksi-Seksi Yehuwah

Jawa Timur

Kabar Apik teka Gusti Allah!

 BAGEAN 1

Kabar Apike Apa?

Kabar Apike Apa?

1. Kabar apik teka Gusti Allah iku apa ta?

Gusti Allah pengin wong-wong urip enak nang bumi. Gusti Allah nggawe bumi lan sak isine soale sayang karo manungsa. Diluk engkas, Gusti Allah arep ngeke’i urip sing luwih apik gawe kabeh wong lan ora ana sing susah.—Wacaen Yeremia 29:11.

Ora ana pamrentahane manungsa sing isa mbasmi klakuan wong sing seneng tukaran, wong lara, lan wong mati. Tapi ora usah kuwatir, ana kabar apik. Ora suwe maneh, pamrentahane manungsa arep diganti karo pamrentahane Gusti Allah. Rakyate bakal urip ayem lan seger waras.—Wacaen Yesaya 25:8; 33:24; Dhaniel 2:44.

2. Apa sebabe kabar apik iku penting banget?

Sakwise Gusti Allah mbasmi wong jahat, bakal ora ana maneh wong sing sara. (Zefanya 2:3) Kapan iku bakal kedaden? Kitab Suci wis ngramalna sipat-sipate manungsa sing nyebabna urip sara. Iku ngunu, nduduhna lek ora suwe maneh Gusti Allah bakal mbasmi wong jahat.—Wacaen 2 Timoteus 3:1-5.

3. Awake dhewe kudu nglakoni apa?

Awake dhewe kudu sinau Kitab Suci. Iki ngunu kayak maca surat teka bapak sing sayang karo anake. Kitab Suci ngandhani carane urip nggenah saiki lan mbesuk. Tapi, ana wae wong sing ora seneng lek awake dhewe sinau Kitab Suci. Eman-eman lek Sampeyan kelangan urip sing luwih apik mbesuk.—Wacaen Wulang Bebasan 29:25; Wahyu 14:6, 7.