DI WACHTOWA No. 1 2025 | No Muor Waar—Ou Dat?
No chuu se yu wuda waahn fi liv iina wan worl we no waar no de bout? Nof piipl wuda se dat a anansi tuori an it kuda neva apm. Di Baibl mek wi nuo wa mek piipl kyaahn tap di waar dem we a gwaan, no mata ou dem chrai. An it kyan elp yu fi nuo fi shuor se di taim suun kom wen piipl aal uova di worl a-go liv iina piis wid dem wan aneda.
Wen wi taak bout “waar” iina da magaziin ya, wi a taak bout wen difrant difrant konchri ar gruup a piipl iina wan konchri a yuuz gon an bum an dem ting de fi fait an kil aaf dem wan aneda kaaz a palitiks. Som a di piipl dem we wi taak bout iina da magaziin ya, wi no yuuz dem rait niem.
Waar A Wan Torbl Sitn
Di suoja dem we fait iina waar an di piipl dem we liv iina di ieriya dem we waar a gwaan nuo ou torbl it bi.
Waar Mek Tingz Aad Fi Di Wol A Wi
Waar a wan torbl sitn we kaaz wan bag a prablem fi piipl. Mek wi luk pan som a dem.
Yu Tingk Piipl Kyan Get Rid A Waar?
A no likl chrai piipl chrai fi tap waar, bot yu tingk wa dem a du a-go wok?
Wa Mek Waar Stil A Gwaan?
Di Baibl mek wi nuo wa mek piipl waar gens dem wan aneda.
A Ou Waar A-Go Don We Wid?
Gad Govament a-go get rid a waar an it a-go mek evribadi liv iina piis wid dem wan aneda.
Yu Kyan Av Piis Iina Yu Aat Iivn Duo Waar A Gwaan
Rait ya nou di Baibl a elp wol iip a piipl fi diil wid di prablem dem we dem a go chuu kaaz a waar.
Dis Eva Kraas Yu Main?
Wan taim a-go eva kom wen no waar no de bout? Di Baibl ansa da kwestiyan ya an nof ada kwestiyan bout waar, an yu a-go fiil gud wen yu si wa it se.
