Laad Sopa
Torzde, Iepril 2, 2026
Evri ier wi kip wan speshal miitn fi shuo se wi memba wa Jiizas did du wen im kom ded fi wi. Wi du dis kaaz Jiizas did tel im falara dem se: “Unu fi du dis fi memba mi.”—Luuk 22:19.
Wi wel waahn yu fi kom a da speshal miitn ya.
Som Kwestiyan We Piipl Aalwiez A Aks
A uu kyan kom?
Evribadi kyan kom. Yu kyan kya yu fambili an tel yu fren dem bout it tu.
A ou lang it a-go tek fi don?
A onggl bout wan owa it a-go kip fa.
A wich paat it a-go kip?
Taak tu wan a di Jeuova Witnis dem fi fain out.
Yu afi pie moni fi kom?
Nuo.
Dem a-go tek op kalekshan?
Nuo. Wi no tek op no kalekshan a wi miitn dem.—Matyu 10:8.
Yu av no speshal kain-a kluoz we mi afi wier?
Nuo. Bot di Jeuova Witnis dem chrai fi jres prapa an fiks op demself iina wan wie we piipl kyan rispek dem.
Wa a-go gwaan a di Laad Sopa?
Fi staat di miitn, dem gweehn sing wan sang an wan a di breda dem a-go se wan prieya. Den wan breda a-go gi wan taak. Im a-go shuo wi wa mek Jiizas did afi kom ded fi wi an di gud sitn dem we kyan gwaan fi wi kaaz a wa Gad an Jiizas Krais did du. Wen di miitn fi don, dem gweehn sing wan sang an wan neda breda gweehn se di laas prieya.
Ef yu waahn nuo muor, chek out dis “Wa Mek Wen Di Jeuova Witnis Dem Kip Di Laad Sopa, It Difrant Fram Ou Di Ada Choch Dem Kip It?”
A wen di ada Laad Sopa dem a-go kip?
2026: Torzde, Iepril 2
2027: Monde, Maach 22
You May Also Like
DI LAAD SOPA
Shuo se Wi Memba se Jiizas Did Kom Ded fi Wi
Wi wel waahn yu fi kom a da speshal miitn ya. Yu wi lorn wa Jiizas laif an det av fi du wid yu.
ESSENTIAL BIBLE TEACHINGS
Wa Mek Jiizas Kom Ded Fi Wi?
Di Baibl shuo wi se a wan big big ting wen Jiizas did kom ded fi wi. Bot wa gud dat did du fi wi?
