Ir al contenido

Ir al menú secundario

Itexhtiigo Aak Jehová

ixil

¿Moj la oon umaʼj qʼii uvaʼ yeʼl kʼaxkʼo la kupalebʼe veʼteʼ?

¿Moj la oon umaʼj qʼii uvaʼ yeʼl kʼaxkʼo la kupalebʼe veʼteʼ?

¿Kamal la aaleʼ uvaʼ...

  • ... uu?

  • ... yeʼle?

  • ... taleʼn kuxhtuʼ?

 U BIBLIAEʼ NITALEʼ

«[Aak] Tiixheʼ [...] ech la tulbʼe [ex] Aakeʼ echeʼ isuuat umaj uxhchil taʼl ivatz. As yeʼl veʼt txumuʼm, yeʼl veʼt chʼoʼm, yeʼl veʼt oqʼel, as yeʼl veʼt kamchil la ibʼaneʼ.» (Apocalipsis [Revelación] 21:3, 4, U Akʼ Testamento tu Kuyolbʼal.)

¿KAM LA TULBʼE UVAAʼ KULOCHPEʼ?

La chit qootzi veʼteʼ uvaʼ jit Aak Tiixheʼ ni aqʼontzan u kʼaxkʼoeʼ sqiʼ (Santiago 1:13).

La txuqʼtxun oʼ staʼn tul la qootzi uvaʼ nitxum Aak Tiixheʼ kuvatz (Zacarías 2:8).

La kutxʼebʼ veʼt tul u qʼiieʼ tul uvaʼ yeʼl veʼt chʼiʼtoj kʼaxkʼo la kupalebʼe veʼteʼ (Salmo 37:9-11).

 ¿MOJ LA UCH KUNIMAT UVEEʼ NITAL U BIBLIAEʼ?

Uu, at kaʼvaʼl kam nikʼuchun:

  • U kʼaxkʼoeʼ tukʼ u yeʼ bʼaʼneʼ nichiʼan taama Aak Tiixheʼ stiʼ. ¿Tul txoj chit nitulbʼel vitenam Aak Jehováeʼ naʼytzan kam kat inach Aaki? Nital u Bibliaeʼ uvaʼ kat chʼoʼn te Aaki tul uvaʼ txoj chit nikat tulbʼe unqʼa tenameʼ vitenam Aakeʼ (Jueces 2:18).

    Yeʼ nisaʼ Aak Tiixheʼ unqʼa xaoleʼ txoj kuxh nitulbʼe imool. Nital u Bibliaeʼ uvaʼ vaʼl ichiʼan taama Aak tiʼ unqʼa xaoleʼ niyatzʼon imool (Proverbios 6:16, 17).

  • Nititzʼa Aak Tiixheʼ junun xaol. Kamal la eetzʼa uvaʼ axh kuxh ootzin tetz tul napalebʼe txumuʼm o chʼoʼm, poro yeʼle, ateʼ sikʼul Aak Jehováeʼ umpajte (2 Crónicas 6:29, 30).

    Tukʼ u Tijlenaaleʼ, bʼiit kuxh veteʼ tuk teesa veʼt Aak Tiixheʼ u kʼaxkʼoeʼ nipalebʼe junun xaol (Mateo 6:9, 10). Poro cheel, nitxuqʼu as niloch Aak unqʼa xaoleʼ nichukun Aak tukʼ chit taama (Hechos 17:27; 2 Corintios 1:3, 4).

 CHʼOTIJEʼ SEE

¿Kam stiʼ nukuxh til veʼt Aak Tiixheʼ kupalebʼet kʼaxkʼo?

La lej vitzaqʼbʼebʼaleʼ tu Biblia tu ROMANOS 5:12 tukʼ 2 PEDRO 3:9.