Ir al contenido

Ir al menú secundario

Itexhtiigo Aak Jehová

ixil

¿Kam tuk uchoj sukuvatzbʼen sakʼuʼl?

¿Kam tuk uchoj sukuvatzbʼen sakʼuʼl?

¿Kam neetzʼa tiʼ u vatz Txʼavaʼeʼ...

  • ... ech kuxh ibʼeneʼ vaaʼ?

  • ... tuk yanoj imaas?

  • ... aal tuk ibʼanbʼaʼn?

 U BIBLIAEʼ NITALEʼ

«[Aak] Tiixheʼ [...] la iyaʼsa veʼt Aak toqʼ vitenameʼ, [...] As yeʼl veʼt txumuʼm, yeʼl veʼt chʼoʼm, yeʼl veʼt oqʼel, as yeʼl veʼt kamchil la ibʼaneʼ.» (Apocalipsis [Revelación] 21:3, 4, U Akʼ Testamento tu Kuyolbʼal.)

¿KAM LA TULBʼE UVAAʼ KULOCHPEʼ?

La qil veʼt ivatz u qaqʼoneʼ as la chiibʼ veʼt oʼ staʼn tuk ibʼaneʼ (Isaías 65:21-23).

Yeʼl oʼ la chʼoʼm veʼt oʼ as yeʼl kʼaxkʼo la kupalebʼe veʼteʼ (Isaías 25:8; 33:24).

Chiibʼebʼal chit qatineʼ tuk ibʼaneʼ tukʼ kufamilia tukʼaj qamigo tiʼ chit ibʼeneʼ (Salmo 37:11, 29).

 ¿MOJ LA UCH KUNIMAT UVEEʼ NITAL U BIBLIAEʼ?

Uu, at kaʼvaʼl kam nikʼuchun:

  • Uvaaʼ nitaltzi Aak Tiixheʼ at iyakʼil Aak tiʼ ibʼanataʼ. U Bibliaeʼ nitaleʼ uvaʼ taʼn kuxh Aak Tiixheʼ nim iyakʼil, tan yeʼl iyaʼtebʼal viyakiʼl Aakeʼ (Revelación 15:3). Estiʼeʼ tul nitaltzi Aak uvaʼ la ibʼensa Aak u vatz Txʼavaʼeʼ umaʼl bʼaʼnla atimbʼal, la qaʼ sukukʼuʼl uvaʼ la chit olebʼ Aak tiʼ ibʼanataʼ. U Bibliaeʼ nitaleʼ uvaʼ kajayil nitxʼol Aak Tiixheʼ ibʼanataʼ (Mateo 19:26).

  • Uvaaʼ nitaltzi Aak Tiixheʼ nitachva Aak ibʼanataʼ. U Bibliaeʼ nitaleʼ uvaʼ nitachva Aak Jehováeʼ tulsat taama unqʼa xaoleʼ kat kamya (Job 14:14, 15).

    Nitaleʼ umpajte tiʼ aak Jesúseʼ, Vikʼaol Aak Tiixheʼ, uvaʼ kat itxansa aak unqʼa aachʼoʼmeʼ. ¿As kam stiʼ qʼii? Tan aʼeʼ veeʼ nikat tachva aak ibʼanataʼ (Marcos 1:40, 41). Unqʼa veeʼ kat ibʼan aak kʼuchbʼal tetz uvaʼ nitachva Vibʼaal aakeʼ ilochat unqʼa meebʼaeʼ (Juan 5:19).

    La qaʼ sukukʼuʼl uvaʼ Aak Jehováeʼ tukʼ aak Jesúseʼ nisaʼ chajaaki uvaʼ bʼaʼn chit qatineʼ la ibʼaneʼ xamtel (Salmo 72:12-14; 145:16; 2 Pedro 3:9).

 CHʼOTIJEʼ SEE

¿Kam la tulbʼe Aak Tiixheʼ ibʼensat u vatz Txʼavaʼeʼ umaʼl bʼaʼnla atimbʼal?

La lej vitzaqʼbʼebʼaleʼ tu Biblia tu MATEO 6:9, 10 tukʼ DANIEL 2:44.