Skip to content

Skip to table of contents

Yeˆhoˆwaa nyei Zorng-Zengx

Select language Iu-Mienh

 PART 7

Yesu Se Haaix Dauh?

Yesu Se Haaix Dauh?

Yeˆhoˆwaa paaiv Yesu daaih baamh gen. 1 Yoˆhan 4:9

Se gorngv mbuo oix zoux horpc Yeˆhoˆwaa, mbuo aengx oix zuqc muangx dauh jaaix nyei mienh. Loz-hnoi dongh Yeˆhoˆwaa maiv gaengh zeix Aaˆndam wuov, Yeˆhoˆwaa zeix dauh maaih qaqv haic nyei fin-mienh yiem tin-dorngh.

Jiex daaih, Yeˆhoˆwaa paaiv naaic dauh fin-mienh njiec daaih cuotv seix yiem Mbetcˆleˆhem Mungv. Maaih naaic norm sin wuov dauh m’sieqv dorn se heuc Maaˆliˆyaa. Maaˆliˆyaa se maiv gaengh bueix jiex dorn nyei mienh. Ninh yungz duqv naaic dauh gu’nguaaz daaih cuotv mbuox heuc Yesu.​—Yoˆhan 6:38.

Dongh benx baamh mienh yiem baamh gen wuov zanc, Yesu zoux nyei nyungc-nyungc se zuangv duqv Tin-Hungh nyei fiem-fingx longx dingc aqv. Ninh hnyouv longx, hnamv mienh yaac zuoqc mienh. Ninh maiv gamh nziex nyei njaaux mienh zien waac gorngv taux Yeˆhoˆwaa.

 Yesu zoux kuv sic mv baac zuqc mienh nzorng. 1 Bide 2:21-24

Yesu yaac zorc longx butv-baengc mienh caux bun maaih deix daic mingh nyei mienh nangh daaih.

Buoqc zaangc nyei bieiv zeiv wuov deix nzorng Yesu weic zuqc Yesu wetv cuotv ninh mbuo njaaux nyei jaav leiz caux ninh mbuo zoux orqv nyei jauv.

Buoqc zaangc nyei bieiv zeiv wuov deix nduov Janx-Lomaa mborqv Yesu caux daix ninh.