Skip to content

Skip to table of contents

Yeˆhoˆwaa nyei Zorng-Zengx

Select language Iu-Mienh

 PART 3

Zinh Ndaangc Yiem Orn-Lorqc Dorngx Se Hnangv Haaix?

Zinh Ndaangc Yiem Orn-Lorqc Dorngx Se Hnangv Haaix?

Yeˆhoˆwaa bun Aaˆndam caux Haawaa camv-nyungc longx nyei ga’naaiv. Tin Deic Douh 1:28

Yeˆhoˆwaa zeix daauh dauh m’sieqv dorn heuc Haawaa, liuz dorh mingh bun Aaˆndam zoux auv.​—Tin Deic Douh 2:21, 22.

Yeˆhoˆwaa zeix Aaˆndam caux Haawaa daaih bun ninh mbuo nyei hnyouv caux ninh mbuo nyei sin zaangc dunh yunh nyei. Naaiv se gorngv ninh mbuo nyei hnyouv cing nyei, ninh mbuo nyei sin zaangc maiv maaih yietc norm dorngx waaic yaac maiv haih butv baengc.

Aaˆndam caux Haawaa yiem nyei orn-lorqc dorngx se heuc Eˆnden Huingx. Naaic norm huingx se gengh nzueic haic nyei, se maaih diuh ndaaih, maaih nyungc-nyungc biouv-ndiangx, caux maaih nyungc-nyungc saeng-kuv hieh zoih.

Yeˆhoˆwaa gorngv waac njaaux Aaˆndam caux Haawaa. Da’faanh ninh mbuo muangx ninh nor, ninh mbuo duqv ziangh yietc liuz yiem orn-lorqc dorngx yiem naaiv baamh gen.

 Tin-Hungh gorngv maiv dungx nyanc maaih zungh ndiangx nyei biouv. Tin Deic Douh 2:16, 17

Yeˆhoˆwaa bun Aaˆndam caux Haawaa hiuv duqv maaih zungh biouv-ndiangx yiem wuov huingx gu’nyuoz, liuz mbuox ninh mbuo se gorngv ninh mbuo nyanc naaic zungh ndiangx nyei biouv nor, ninh mbuo zuqc daic aqv.

Maaih dauh fin-mienh caux Tin-Hungh doix-dekc. Naaic dauh orqv fin-mienh se heuc Saadaan.

Saadaan maiv oix Aaˆndam caux Haawaa ei Yeˆhoˆwaa. Saadaan longc diuh naang mbuox Haawaa se gorngv ninh nyanc naaic zungh ndiangx nyei biouv nor, ninh maiv daic, zungv corc duqv benx hnangv Tin-Hungh. Naaic deix waac se gorngv-baeqc nyei waac hnangv.​—Tin Deic Douh 3:1-5.