Skip to content

Skip to table of contents

Yeˆhoˆwaa nyei Zorng-Zengx

Select language Iu-Mienh

 PART 1

Mbuo Hnangv Haaix Nor Muangx Tin-Hungh?

Mbuo Hnangv Haaix Nor Muangx Tin-Hungh?

Mbuo haaix zanc doqc Ging-Sou se hnangv Tin-Hungh caux mbuo gorngv waac. 2 Tiˆmoˆtai 3:16

Tin-Hungh dorh mienh fiev njiec ninh hnamv nyei jauv yiem buonv jienv haic nyei sou. Naaic buonv sou se dongh Ging-Sou. Ging-Sou se maaih jienv nyei fienx Tin-Hungh oix bun meih hiuv.

Tin-Hungh hiuv duqv haaix nyungc longx jiex bun mbuo. Ninh se zoux yietc zungv cong-mengh nyei gorn. Muangx ninh nor, meih ziouc gengh benx dauh mienh guai mienh.​—Cong-Mengh Waac 1:5.

Tin-Hungh oix da’dauh yiem baamh gen doqc Ging-Sou. Ih zanc se maaih Ging-Sou faan cuotv daaih benx camv-nyungc waac nyei.

Se gorngv meih oix muangx Tin-Hungh nor, meih oix zuqc doqc caux bieqc hnyouv Ging-Sou.

 Mienh maanh yiem norm-norm dorngx muangx jienv Tin-Hungh nyei. Matvˆtaai 28:19

Yeˆhoˆwaa nyei Zorng-Zengx haih tengx meih bieqc hnyouv Ging-Sou nyei.

Gormx baamh gen, Yeˆhoˆwaa nyei Zorng-Zengx njaaux zien waac gorngv taux Tin-Hungh.

Meih maiv zuqc cuotv nyaanh bun ninh mbuo njaaux meih. Meih mv baac aengx haih mingh hoqc hiuv duqv Tin-Hungh nyei jauv yiem Yeˆhoˆwaa nyei Zorng-Zengx nyei wuic dorngh.