Talebaran mu en umang ka kan naddian na

Talebaran mu en umang ka kan secondary menu

Saksi ira y Jehova

Itawit

Hanna yo Pappatulan Dios?

Hanna yo Pappatulan Dios?

Yaw panot e . . .

  • gannud nga hinnian kan futum?

  • isa nga lugar kan langit?

  • gobiernu kan langit?

 KAYAN YO BIBLIA

“Mamadak [onu, mamatadag] ya Dios nga hinnian kan langit kan pappatulan nga mari pulus madaral.”Daniel 2:44.

“Hinnian anak nga lalaki nga meddan kan ittera. Iggina ya mammoray [onu, mappatul] nattaruk.”Isaias 9:6, Ya Ergo y Afu Dios.

YO BENEFISIO NA KAN IKAW

  • Mabenefisiowan ka kan yo natunung nga gobiernu.Isaias 48:17, 18, NW.

  • Napagayayat en perfekto nga gawagawayyan kan yo napabahu nga lusak.—Pakakammuan 21:3, 4.

 KURUG PANOT YO KAYAN YO BIBLIA?

Oon, innan mu yo dua nga rason:

  • Nepasingan y Jesus yo kuan so yo Pappatulan Dios. Netuldu y Jesus kan yo disipulo na nga idasal da yo aggangay yo Pappatulan Dios en makua yo uray na kan yo utun lusak. (Mateo 6:9, 10) Nedemonstra y Jesus nu kunnasi nga matabbag yan nga dasal.

    Kattu hinnian y Jesus kan yo utun lusak, pinakan na yo nabisin, inurruan na yo matakit, en namaginnolay kan natay! (Mateo 15:29-38; Juan 11:38-44) Gafu ta y Jesus yo Patul kan yo Pappatulan yo Dios, nangipasita iggina kan na-akkasta nga evidensia nu hanna so yo kuan na kan yo imorayan na.—Pakakammuan 11:15.

  • Ipasingan yo situasion yo mundo nga aranni ngin nga umang yo Pappatulan Dios. Nekahi y Jesus nga lige iyangay yo Pappatulan yo imamak kan yo utun lusak, hinnian labbit gerra, bisin, en lunig nga mesimmu.Mateo 24:3, 7.

    Mesissimmu yan sangaw ngin. Masiguradu tera gafen nga yo Pappatulan yo Dios pangultimuan na ngammin yaw nga problema.

 PANONOTAN MU

Kunnasi panot yo attolay tera so nu mammoray yo Pappatulan Dios?

Tabbagan yo Biblia yan nga pakivut kan SALMO 37:29 en ISAIAS 65:21-23, NW.