Talebaran mu en umang ka kan naddian na

Talebaran mu en umang ka kan secondary menu

Saksi ira y Jehova

Itawit

Hanna yo Sikreto yo Napagayayat nga Famillia?

Hanna yo Sikreto yo Napagayayat nga Famillia?

Yaw panot e . . .

  • ayat?

  • kuartu?

  • hinnian peba tanakkuan?

 KAYAN YO BIBLIA

“Mas mabendisionan ya tolay ira nga maggiggina en mamaraparulot kan ya ergo y Afu Dios!”—Lucas 11:28, Ya Ergo y Afu Dios.

YO BENEFISIO NA KAN IKAW

Matafulan mu yo kurug nga ayat.—Efeso 5:28, 29.

Naunag nga respeto.—Efeso 5:33.

Hinnian kurug nga seguridad.—Marcos 10:6-9.

 KURUG PANOT YO KAYAN YO BIBLIA?

Oon, innan mu yo dua nga rason:

  • Dios yo Naggafanan yo famillia. Kayan yo Biblia nga y Jehova yo “nangiddan kan gingngahanan ya kada famillia.” (Efeso 3:14, 15) Kan abibba nga ergo, hinnian yo famillia megafu kan y Jehova. Ka-am ta importante yaw?

    Aggangarrian: Nu nakasinsim ka kan nasissingngat nga makan en ikayat mu nga annammuan yo ingredients na, innia yo pakivutan mu? Siempre, ne nallutu.

    Kunna tian pe laman, tase nu mannammuan tera yo ingredients yo napagayayat nga famillia, makkonsulta tera kan y Jehova, yo Naggafanan yo unnug yo affamillia.—Genesis 2:18-24.

  • Ikakkallak Dios ikaw. Masirib yo famillia nu tafulan da yo tabarang y Jehova nga hinnian kan Biblia. Ka-am? “Gafu ta iggina ya manangngal kan ikayu.” (1 Pedro 5:6, 7) Interesadu y Jehova kan yo pammakapianan tera en kanayun nga eksakto yo tabarang na!—Ononi 3:5, 6; Isaias 48:17, 18, NW.

 PANONOTAN MU

Kunnasi ka mabbalin nga napia nga atawa onu manak?

Tabbagan yo Biblia yan nga pakivut kan EFESO 5:1, 2 en COLOSAS 3:18-21.