Talebaran mu en umang ka kan naddian na

Talebaran mu en umang ka kan secondary menu

Saksi ira y Jehova

Itawit

Hanna yo Mesimmu Kan Mappanget?

Hanna yo Mesimmu Kan Mappanget?

Yo mundo tera panot e . . .

  • agga-kunna tiaw?

  • mammaramarakat?

  • makkasta?

 KAYAN YO BIBLIA

“Y Afu Dios . . . funatan na ngammin ya lullua ra kan ya gimmatan da. Awan ngin nga patay, aggunggul [onu, addandam], attangit onu attakit gafu ta napawan ngin ya dana nga ganagannud nga kegafanan na ira yan.”—Pakakammuan 21:3, 4, Ya Ergo y Afu Dios.

YO BENEFISIO NA KAN IKAW

Makabannay nga trabahu.Isaias 65:21-23, NW.

Awan nga takit en pazziriyat ngin.Isaias 25:8; 33:24, NW.

Makapagayayat en mannanayun nga attolay nga kavulun yo famillia en kakkofun.Salmo 37:11, 29.

 KURUG PANOT YO KAYAN YO BIBLIA?

Oon, innan mu yo dua nga rason:

  • Makaya yo Dios nga tumpalan yo promesa na. Kan Biblia, y Jehova laman yo “Makapangngua kan ngammin” nga Dios megafu ta awan nga addet ya paka-awayya na. (Genesis 35:11) Yan ta kayang-kaya na nga tumpalan yo promesa na tase nu makkasta yo attolay tera. Kayan yo Biblia, “y Afu Dios makua na ngammin.”Mateo 19:26.

  • Ikayat yo Dios nga tumpalan yo promesa na. Gitta na, ikayat ngin nga paginnolayan y Jehova tu nakkakatay ira.Job 14:14, 15, NW.

    Ipasita peba yo Biblia nga y Jesus, nga Anak Dios, e nanguru kan matakit ira. Ka-am ta kiningngua na yan? Megafu ta ikayat na. (Marcos 1:40, 41) Kagitta y Ama na, inuffunan y Jesus tu hinnian kawahan na ira.Juan 14:9.

    Yan ta masiguradu tera nga ikayat da Jehova en Jesus nga mapasanan tera kan nakakkasta nga mappanget!Salmo 72:12-14; 145:16; 2 Pedro 3:9, NW.

 PANONOTAN MU

Kunnasi nga pakastan yo Dios yo mundo tera?

Tabbagan yo Biblia yan nga pakivut kan MATEO 6:9, 10 en DANIEL 2:44.