Talebaran mu en umang ka kan naddian na

Talebaran mu en umang ka kan secondary menu

Saksi ira y Jehova

Itawit

Mangultimu Panot Nattaruk yo Pazziriyat?

Mangultimu Panot Nattaruk yo Pazziriyat?

Para kan ikaw . . .

  • oon?

  • awan?

  • siguru?

 KAYAN YO BIBLIA

“Y Afu Dios . . . funatan na ngammin ya lullua ra kan ya gimmatan da. Awan ngin nga patay, aggunggul [onu, addandam], attangit onu attakit.”—Pakakammuan 21:3, 4, Ya Ergo y Afu Dios.

YO BENEFISIO NA KAN IKAW

Masiguradum nga mari yo Dios yo paggafanan yo problema ira.Santiago 1:13.

Mabannayan ka nu mannammuan mu nga matenat y Afu Dios yo pazziriyat mu.Zacarias 2:8, NW.

Kan yo mappanget inanaman mu nga mangultimu ngammin yo pazziriyat.Salmo 37:9-11.

 KURUG PANOT YO KAYAN YO BIBLIA?

Oon, innan mu yo dua nga rason:

  • Ikalussaw yo Dios yo pazziriyat en kawan hustisia. Kattu tiempo yo Biblia, namaltratu yo ili yo Dios. Innan mu nu hanna yo natenat na. Kayan yo Biblia nga kattu nasingan y Afu Dios yo ‘nekamammaltratu yo totolay na’, narandam iggina.—Kinikkingngua 7:34.

    Ikalussaw yo Dios yo mangngua kan narakat kan ikattolay na. Gitta na, kayan yo Biblia nga “ikalussaw na ya narakat nga totolay en ya mayat ira kan gulu.”Salmo 11:5.

  • Ikakkallak Dios yo kada isa kan ittera. Mari la ikaw yo makatenat kan yo ‘kapaziyat en takit mu ira’ nu zi pati y Jehova!2 Cronicas 6:29, 30.

    Gukaban kan yo Pappatulan na, pangultimuan nattaruk y Jehova yo pazziriyat tera. (Mateo 6:9, 10) Megafu ta awan peba yan nga Pappatulan, banabannayan na kan sangaw tu kurug nga mattaful kan iggina.—Kinikkingngua 17:27; 2 Corinto 1:3, 4.

 PANONOTAN MU

Ka-am ta ipamavulun yo Dios yo pazziriyat?

Tabbagan yo Biblia yan nga pakivut kan ROMA 5:12 en 2 PEDRO 3:9, NW.