Talebaran mu en umang ka kan naddian na

Talebaran mu en umang ka kan secondary menu

Saksi ira y Jehova

Itawit

Innia Talaga yo Mammoray kan yo Mundo?

Innia Talaga yo Mammoray kan yo Mundo?

Para kan ikaw . . .

  • Dios?

  • totolay?

  • hinnian peba tanakkuan?

 KAYAN YO BIBLIA

“Ya mundo, hinnian kan ya pammorayan ya diablo.”1 Juan 5:19.

“Minang ya Anak y Afu Dios . . . tase pamandan na ya kukukuan ya diablo.”1 Juan 3:8, Ya Ergo y Afu Dios.

YO BENEFISIO NA KAN IKAW

Nanawag nga rason kan yo problema tera.—Pakakammuan 12:12.

Rason tase nu mangurug ka nga kan mappanget hinnian pangullian yo attolay tera.1 Juan 2:17.

 KURUG PANOT YO KAYAN YO BIBLIA?

Oon, innan mu yo tallu nga rason:

  • Mangultimu yo ammoray y Satanas. Talaga nga determinadu y Jehova nga pawanan yo ammoray y Satanas kan yaw nga mundo. Nepromesa na nga “darallan na y Satanas” en azzan na ngammin tu narakat nga kinikkingngua na.Hebreo 2:14.

  • Pinili y Afu Dios y Jesus nga mammoray kan yo mundo. Ne-eruma y Jesus kan yo maddaggun nga mammoray nga makasarili en awan angngikallak na. Me-annung kan yo ammoray y Jesus, nepromesa yo Dios: “Ikallak na ya nakafi nga totolay en ya makakawag ira . . . Italak na ira kan kapazapaziyat en katattazzi.”Salmo 72:13, 14.

  • Mari malladdug yo Dios. Direkta nga ikahi yo Biblia: ‘Mari awayya malladdug y Afu Dios.’ (Hebreo 6:18) Nu y Jehova yo mangipromesa, maski mari peba nesimmu e alle natumpal ngin! (Isaias 55:10, 11, NW) ‘Yaw yo tiempo ngin nga kaffut y Satanas nga mammoray.’Juan 12:31.

 PANONOTAN MU

Hanna yo pabbalinan yo mundo so nu mapawan yo mammoray nan?

Tabbagan yo Biblia yan nga pakivut kan SALMO 37:10, 11 en PAKAKAMMUAN 21:3, 4.