Talebaran mu en umang ka kan naddian na

Talebaran mu en umang ka kan secondary menu

Saksi ira y Jehova

Itawit

Hanna Yo Makahim kan Biblia?

Hanna Yo Makahim kan Biblia?

Para kan ikaw . . .

  • libru nga ergo yo tolay?

  • libru nga istoria laman?

  • Ergo yo Dios?

 KAYAN YO BIBLIA

“Ngammin ya hinnian kan ya Sagrado nga Turak, nepeturak y Afu Dios.”2 Timoteo 3:16, Ya Ergo y Afu Dios.

YO BENEFISIO NA KAN IKAW

Makabannay nga tabbag ira yo pakivut kan attolay.—Ononi 2:1-5, NW.

Mapammakatalakkan nga giya kan inalgaw nga attolay.Salmo 119:105.

Siguradu nga innanama kan yo mappanget.Roma 15:4.

 KURUG PANOT YO KAYAN YO BIBLIA?

Oon, innan mu yo tallu nga rason:

  • Makapappabbaw nga pattoronos. Neturak yo Biblia kan lahuman yo 1,600 nga dahun gukaban kan yo 40 nga lallaki en aru kan iggira yo mari makkara-ammu. Ngem nattoronos yo interu Biblia en isississa yo tema na!

  • Eksakto nga istoria. Mari neturak yo karruan nga minaggistoria yo nekaffut yo totolay da. Ngem inamin yo natturak kan Biblia yo personal nga nakkurangan da en yo nasion da.2 Cronicas 36:15, 16; Salmo 51:1-4.

  • Mapammakatalakkan nga profesiya. Nepopponna nga nelavvun yo Biblia yo ikadaral yo Babilonia kan 200 nga dahun. (Isaias 13:17-22, NW) Nekahi na mari laman nu kunnasi nga madaral yo Babilonia nu zi pati nu innia yo manaral!Isaias 45:1-3, NW.

    Addet kan kabissangngan nga detalye yo profesiya ira kan Biblia e natumpal. Mari kazze yan yo ekspektan tera kan Ergo yo Dios?2 Pedro 1:21.

 PANONOTAN MU

Kunnasi nga mapakasta yo Ergo Dios yo attolem?

Tabbagan yo Biblia yan nga pakivut kan ISAIAS 48:17, 18, NW en 2 TIMOTEO 3:16, 17.