Kpohọ eme nọ e riẹ eva

ANE 5, 2019
NIGERIA

Ebaibol Efafa Akpọ Ọkpokpọ nọ A Siobọno Evaọ Evẹrẹ Nigeria Ivẹ Jọ O Wha Oghọghọ Ulogbo Ze

Ebaibol Efafa Akpọ Ọkpokpọ nọ A Siobọno Evaọ Evẹrẹ Nigeria Ivẹ Jọ O Wha Oghọghọ Ulogbo Ze

Evaọ edẹ 12 Ọvo 2019, a jọ Nigeria ru okokohọ obọdẹ jọ evaọ Ọgwa Okokohọ nọ ọ rrọ Benin City. Brọda Geoffrey Jackson nọ ọ rrọ Omọvo Utu Ẹruorote na, ọ jọ okokohọ obọdẹ nana siobọno Efafa Akpọ Ọkpokpọ ọrọ Ikereakere Efuafo Na evaọ ẹvẹrẹ Isoko gbe Yoruba. Ahwo nọ a gaviezọ kẹ okokohọ obọdẹ na a bu te idu udhosa gbe egba ezeza gbe udhosa gbe ikpegbivẹ (60,672). Eria sa-sa nọ i thuru kugbe Ọgwa Okokohọ Benin City na họ, Egwa Uvie nọ i bu te ẹgba ọvo gbe ezeza (106), Egwa Okokohọ nọ i bu te izii, jegbe eria efa evaọ orẹwho Benin Republic.

Brọda Jackson avọ uviuwou jọ evaọ Ọgwa Okokohọ Benin City evaọ Nigeria

Brọda Gad Edia nọ ọ rrọ uwou ogha Nigeria ruiruo ọ niyẹrẹ nọ: “Ikpe esa gbe emerae ivẹ a rọ fa Ebaibol Isoko na, yọ ikpe esa gbe emerae esa a rọ fa ọrọ Yoruba na.” O fibae nọ: “Isẹri Jihova nọ e rẹ ta Isoko evaọ Nigeria a bu vi idu isoi (5,000), yọ enọ e rẹ ta je se Yoruba a bu vi idu udhuvẹ-gbikpe (50,000). Oniọvo jọ nọ ọ jọ etẹe evaọ oke nọ a siobọno Ebaibol na ọ ta nọ ogbotu na a jẹ ghọghọ gaga. Fikiere, ma sae rọ obọ sudu ta nọ omodawọ nọ a rọ fa Ebaibol na o rrọ uvrẹvru hu!”

Enẹna, Isẹri Jihova a fa oma Ebaibol Efafa Akpọ Ọkpokpọ na soso hayo abọ riẹ jọ fihọ evẹrẹ 179 no.

Ma yere Ọghẹnẹ gaga inọ enẹna inievo mai a sai se Ebaibol na evaọ ẹvẹrẹ obọrai.—2 Timoti 3:17.