Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

AKPE 26, 2016
UNITED STATES

Isẹri Jihova A Zẹ 97 Columbia Heights

Isẹri Jihova A Zẹ 97 Columbia Heights

Evaọ ikpe buobu, uwou Hotel Margaret nọ o jọ etẹe vẹre na họ uwou nọ o mai kpehru kpaobọ evaọ Brooklyn.

NEW YORK—Evaọ Edesa-Oka, Akpe 26, 2016, Isẹri Jihova a whowho nọ a gwọlọ zẹ oria rai nọ a re se 97 Columbia Heights nọ o rrọ Brooklyn, New York. Ighẹ na u wo uwou-ehru idhe 11 nọ ahwo a be rria, yọ o rẹriẹ aro ku ethẹ nọ a re se East River gbe Manhattan, oria nọ ahwo a riẹ gaga evaọ Brooklyn Heights.

A ru uwou 97 Columbia Heights evaọ oghẹrẹ nọ u ro bru ọghọ họ ehọtẹle ọsosuọ nọ ọ jariẹ na oma. A rehọ eware eghaghae wọhọ ẹroo, eware nọ e wọhọ ibriki, gbe inwido nọ a rọ eglase ru fihọ oma uwou na.

A bọ riẹ fihọ oria nọ ehọtẹle nọ a re se Hotel Margaret ọ jọ vẹre nọ erae e to evaọ ukpe 1980. Ohwo jọ nọ ọ rẹ drọ iwou nọ a re se Stanton Eckstut a rehọ re ọ drọ oghẹrẹ nọ a te bọe, yọ ọ drọ e riẹ evaọ oghẹrẹ nọ u ro bru ọghọ họ ehọtẹle ọsosuọ nọ ọ jariẹ na oma. A rehọ eware eghaghae wọhọ ẹroo, eware nọ e wọhọ ibriki, gbe inwido nọ a rọ eglase ru fihọ oma uwou na. Evaọ ukpe 1986 nọ a jẹ rọ bọ uwou okpokpọ na a rọ zẹ oria na kẹ Isẹri Jihova, yọ ahwo rai nọ a be jọ eria nọ i wuzou iruo rai ruiruo ae a be rriae. David A. Semonian, nọ ọ rrọ ọtota Isẹri Jihova evaọ oria ehri iruo rai, ọ ta nọ: “Ahwo mai buobu nọ e be jọ etẹe ruiruo a rehọ oria na họ uwou rai anwọ ikpe 30 soso ze na. Uwou na u woma wo umuo ho yọ oria nọ a bọ riẹ fihọ u te je ri wowoma re.”

Uwou na u theri te irula 88,610 (imita 8,232) nọ u wo ibriwou 97 nọ ahwo a be rria, ibriwou na jọ i wo ogebara fihọ obọ otafe, yọ ogebara o rrọ ehru uwou na re. A bọ oria nọ a rẹ dhẹ imoto 30 fihọ eva uwou na nọ a rẹ rọ iyẹrẹ Orange Street rọ dhẹ ro.

Mr. Semonian ọ ta nọ: “Ahwo mai nọ e rrọ etẹe ruiruo a be kwa ifisi rai kpobi kpohọ Warwick, evaọ New York, eria nọ i wuzou iruo mai nọ a jọ mu iruo họ no anwọ Azie 1, 2016. Oria nana nọ ma zẹ na u dhesẹ nọ ẹkwa mai na o be nyaharo.”

Inọmba nọ Whọ rẹ Sai Se:

David A. Semonian, Office of Public Information, 1-718-560-5000