Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

AZIE 17, 2013
TANZANIA

Emọ Isẹri Jihova A Riase Evaọ Okọto nọ O Mai Kpehru Evaọ Tanzania

Emọ Isẹri Jihova A Riase Evaọ Okọto nọ O Mai Kpehru Evaọ Tanzania

DAR ES SALAAM, Tanzania—Isukulu jọ nọ e rrọ ubrotọ Mbeya a le emọ Isẹri Jihova jọ no Isukulu jẹ kẹ efa uye fikinọ emọ na a rọwo nọ a rẹ so ole orẹwho na ha keme o wọso oware nọ a rọwo, emọ na kpobi a bu te 127. Rekọ evaọ edẹ 12, Ahrẹ, 2013, okọto nọ o mai kpehru evaọ Tanzania u te brukpe Isukulu yena kpobi inọ a la vrẹ uzi egọmeti nọ o kẹ ohwo kpobi udu egagọ.

Evaọ 2007, enọ i wuzou isukulu nọ a re se Shikula a si emọ Isẹri Jihova isoi no isukulu na fikinọ a rọwo so ole orẹwho na ha. Isukulu efa nọ e rọ ubrotọ na a te mu emọ Isẹri Jihova nọ i bu te 122 họ ekpokpo fiki oware ovona. Nọ emọ isukulu nana nọ i bu te 127 na a rọ ẹme na bru osu orẹwho na gbe enọ i wuzou isukulu orẹwho na soso, a kẹ rai uzou sokpọ họ, a tẹ wha ẹme na kpohọ okọto. Okọto na u te bruoziẹ kpe emọ Isẹri Jihova na, dede nọ ibruoziẹ jọ evaọ usu rai e rọwo fihọ oziẹ na ha. Fikiere, evaọ edẹ 2, Akpegbivẹ, 2010, Isẹri na a tẹ kpare ẹdhọ na bru okọto nọ o mai kpehru evaọ orẹwho na. Okọto nana o rọwo kugbe oziẹ nọ okọto ọsosuọ na o bru na ha, fikiere a te bruoziẹ kẹ Isẹri na je kere fihọ ebe okọto na nọ oziẹ nana o “rẹriẹ oziẹ okọto ọsosuọ na.”

Ọtota Isẹri Jihova evaọ Tanzania nọ a re se Zadok Mwaipwisi ọ ta nọ: “Oziẹ nana ọ were omai gaga keme u dhesẹ nọ izoge nana a wo udu nọ a re ro ru lele oware nọ a rọwo. Oziẹ na o kẹ imuẹro nọ izi egọmeti Tanzania e kẹ ohwo kpobi nọ ọ rrọ orẹwho na udu egagọ, orọnikọ Isẹri Jihova ọvo ho.”

Inọmba nọ Whọ rẹ Sai Se:

Akpọ-soso: J. R. Brown, Office of Public Information, tel. +1 718 560 5000

Tanzania: Zadok Mwaipwisi, tel. +255 22 2650592