Kpohọ eme nọ e riẹ eva

AKPEGBỌVO 1, 2016
ITALY

Otọ U Nuhu Evaọ Central Italy

Otọ U Nuhu Evaọ Central Italy

Evaọ ohiohiẹ Akpe 30, 2016, otọ u nuhu gaga evaọ Italy, yọ onana họ onọ o mae ga kpaobọ no anwọ 1980 ze. Iyẹrẹ nọ e kake ze i dhesẹ nọ ahwo 20 ae a nwoma, rekọ ohwo ọvo o whu hu.

Emedẹ jọ nọ e vrẹ otọ u nuhu isiava evaọ okegbe na, taure onana u te ti nuhu kẹle ẹwho Norcia evaọ oria ovona. Evaọ owọwọ Akpe 26, 2016, otọ jọ u ro nuhu gaga, nọ euwa ivẹ e vrẹ no, onọ o ga viere u te je nuhu re.

Enana nọ i nuhu uwhremu na e via kẹle oria nọ onọ u nuhu evaọ Aria 24 nọ u kpe ahwo 300 o jọ via na.

Uwou ogha Isẹri Jihova nọ o rrọ Italy o niyẹrẹ nọ Osẹri Jihova ọvo o whu hayo nwoma gaga ha, rekọ iwou iviuwou ivẹ e guọghọ evaọ onọ o via evaọ Akpe 26 na, yọ iwou Isẹri Jihova buobu e raha omojọ re. Ekpako ukoko Isẹri Jihova nọ e rrọ obei a be nọ ai re a riẹ oware nọ a gwọlọ gbe epanọ eware rai e raha te, nọ orọnọ otọ nọ u nuhu evaọ Aria na u ri no ai oma ha na. Isẹri Jihova gbe amọfa buobu a riẹ sọ iwou rai e gbẹ ga ha, fikiere a tẹ be wezẹ eva imoto, oria kpobi nọ u te rai obọ, Egwa Uvie hayo iwou egagọ Isẹri Jihova.

Utu Ẹruorote Iruẹru Isẹri Jihova a be jọ igho nọ ahwo a ro ru unevaze kẹ usiuwoma ota fiobọhọ kẹ ai no obọ oria nọ u wuzou iruo Isẹri Jihova ze. Isẹri Jihova nọ e rrọ Italy a bu vi 251,000.

Inọmba nọ Whọ rẹ Sai Se:

Akpọ-Soso: David A. Semonian, Office of Public Information, 1-718-560-5000

Italy: Christian Di Blasio, 39-06-872941