Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

ỌVO 15, 2013
FIJI

Ofou Ọgaga O Fou Evaọ Ikoliko South Pacific

Ofou Ọgaga O Fou Evaọ Ikoliko South Pacific

Suva, FIJI—Evaọ udevie Akpegbivẹ 2012, ofou ọgaga o fou evaọ Fiji avọ Samoa. Onana họ ofou nọ o fou evaọ Fiji nọ ọ mae ga anwọ ikpe 70 ze na, yọ ọ raha iwou ahwo nọ a bu te idu buobu jẹ raha eware efa. Ohwo jọ nọ ọ rẹ niyẹrẹ ọ ta nọ ọraha nana ọ wọhọ okpẹtu nọ o via evaọ Samoa nọ ame abade ọ wọ ro ẹwho na evaọ 2009.

Iyẹrẹ i dhesẹ nọ Osẹri Jihova ọvuọvo ọ nwoma ha evaọ ọraha na. Rekọ ofou na ọ raha iwou rai buobu. Iyẹrẹ i dhesẹ nọ iwou Isẹri Jihova nọ e raha evaọ Fiji i bu te 80. Evaọ ukoliko Samoa nọ a re se Upolu, ofou na ọ raha iwou Isẹri Jihova nọ i bu te 47.

Ahwo nọ a dhẹ no iwou rai evaọ Samoa a kpohọ iwou nọ Isẹri Jihova a rẹ jọ ru iwuhrẹ rai gbe iwou Isẹri Jihova nọ ọraha na o te he. Uwou ogha Isẹri Jihova nọ o rrọ Australia u bi fi obọ họ kẹ ahwo nọ eware rai e raha evaọ Samoa. No oke nọ okpẹtu na o rọ via rite edẹ 18 Akpegbivẹ, a fa emuore gbe eware orufuọ se ikoko ene, yọ a kẹ ahwo uvẹ re a vo ame evaọ ọfisi Isẹri Jihova nọ efefafa e rrọ evaọ ẹwho na. Isẹri Jihova jọ a be ruẹrẹ iwou nọ e raha jẹ be rọ ijini wozẹ iwou nọ ame gbe eloho e rrọ, a vẹ jẹ frẹ eware nọ e rẹ whaha ẹyao fihọ iwou na. Isẹri Jihova nọ e rrọ egbẹgwae ogbodhẹ a be rẹrote ahwo nọ eware rai e raha evaọ Fiji. Egbẹgwae nana a te bi je ru ọruẹrẹfihotọ epanọ a re ro fi obọ họ kẹ Isẹri Jihova nọ ekakọ rai e raha.

Ọtota Isẹri Jihova evaọ Fiji nọ a re se Tevita Sadole ọ ta nọ: “Iruo e vọ otọ kẹ omai nọ okpẹtu nana o wha ze, rekọ obọ o be rrọ omai hi. Ma bi gbe fi obọ họ kẹ ibe eg’Ọghẹnẹ mai gbe amọfa.”

Inọmba nọ Whọ rẹ Sai Se:

Akpọ-soso: J. R. Brown, Office of Public Information, tel. +1 718 560 5000

Australia: Donald MacLean, tel. +61 2 9829 5600

Fiji: Tevita Sadole, tel. +679 330 4766